Sòm 126 - Bib Sen An: Kreyòl Ayisyen

Yon chan pou monte vè tanp lan

¹ Lè SENYÈ a te fè mennen tounen kaptif Sion yo, nou te tankou sila ki fè rèv yo.

² Nan lè sa a, bouch nou te plen ak ri lajwa e lang nou avèk kri lajwa. Konsa, yo te di pami nasyon yo: “SENYÈ a te fè gwo bagay pou yo.”

³ SENYÈ a te fè gwo bagay yo pou nou. Nou kontan.

⁴ Fè retounen kaptif nou yo, O SENYÈ, kon rivyè nan dezè a.

⁵ Sila ki simen ak dlo nan zye yo Va rekòlte avèk gwo kri lajwa.

⁶ Sila ki soti ap kriye akoz chàj makout semans lan. Men l ap retounen ankò ak kri lajwa, akoz chàj pakèt rekòlt l ap pote a.