Sòm 123 - Bib Sen An: Kreyòl Ayisyen

Yon chan pou monte vè tanp lan.

¹ A Ou menm, mwen leve zye mwen, O Ou menm ki chita sou twòn Ou nan syèl la!

² Men gade, jan zye a sèvitè yo rete sou men a mèt yo, Jan zye a yon sèvant sou men mètrès li, Se konsa, zye nou ye vè SENYÈ a, Bondye nou an, jiskaske li fè nou gras.

³ Bannou gras, O SENYÈ, bannou gras, paske nou ranpli ak mepriz.

⁴ Nanm nou ranpli ak ensilt a sila ki alèz yo, avèk mepriz a sila ki plen ògèy yo.