Sòm 122 - Bib Sen An: Kreyòl Ayisyen

Yon Sòm pou monte vè tanp lan. Yon Sòm David.

¹ Mwen te kontan lè yo te di mwen, “Annou ale lakay SENYÈ a.”

² Pye nou kanpe anndan pòtay ou yo, O Jérusalem!

³ Jérusalem, ki bati kon yon vil ki kole dyanm ansanm,

⁴ sou sila, tribi yo konn monte, menm tribi a SENYÈ yo, yon òdonans pou Israël, pou bay remèsiman a non SENYÈ a.

⁵ Paske la, twòn yo te plase pou jijman, twòn lakay David yo.

⁶ Priye pou lapè Jérusalem. Sila ki renmen ou yo va pwospere.

⁷ Ke lapè kapab anndan miray ou yo, e pwosperite nan palè ou yo.

⁸ Pou koz a frè m yo ak zanmi mwen yo, m ap di koulye a, “Ke lapè anndan ou”.

⁹ Pou koz a kay SENYÈ a, Bondye nou an, mwen va chache byen ou.