Sòm 120 - Bib Sen An: Kreyòl Ayisyen

Yon chanson pou monte vè tanp lan

¹ Nan gran twoub mwen an, mwen te kriye a SENYÈ a. Li te reponn mwen.

² Delivre nanm mwen, O SENYÈ, de lèv k ap bay desepsyon, de lang ki plen manti yo.

³ Kisa pou W ta resevwa, e kisa pou m ta fè ou, O lang mansonjè?

⁴ Flèch pwent file a gèrye yo, avèk chabon pye gayak tou limen.

⁵ Malè a mwen, paske mwen demere nan tant a Méschec, Paske mwen rete pami tant a Kédar yo!

⁶ Nanm mwen gen demè li avèk sila ki rayi lapè yo pandan twòp tan.

⁷ Mwen vle lapè, men lè m pale, se lagè yo pito.