Sòm 108 - Bib Sen An: Kreyòl Ayisyen

Yon chan. Yon Sòm David

¹ Kè m fèm, O Bondye; mwen va chante. Mwen va chante lwanj ou, menm avèk tout nanm mwen.

² Fè leve ap avèk lir! Mwen va fè leve solèy la!

³ Mwen va bay remèsiman a Ou menm, O SENYÈ, pami pèp yo. Mwen va chante lwanj a Ou pami nasyon yo.

⁴ Paske lanmou dous Ou a gran pase syèl yo, e verite Ou rive jis nan syèl yo.

⁵ Leve wo, O Bondye, anwo syèl yo ak glwa Ou anwo tout tè a.

⁶ Pou sila ke Ou tèlman renmen an, kapab delivre. Sove avèk men dwat Ou e reponn mwen!

⁷ Bondye te pale nan sentete Li a: “Mwen va leve wo, Mwen va divize Sichem, e mezire tout vale Succoth la.

⁸ Galaad se pou Mwen. Manassé se pa M. Ephraïm se kas sou tèt Mwen. Juda se baton wayal Mwen.

⁹ Moab se basen lesiv Mwen. Sou Edom, Mwen va jete soulye M. Sou Philistie, Mwen va rele byen fò.”

¹⁰ Se kilès ki va mennen M antre nan vil fòtifye a? Kilès ki va mennen M Edom?

¹¹ Se pa ke Ou, Ou menm, O Bondye, te rejte nou an? Èske Ou p ap sòti avèk lame nou yo, O Bondye?

¹² O bannou sekou kont advèsè a, paske delivrans a lòm se anven.

¹³ Avèk Bondye, nou va fè zèv vanyan. Se Li menm ki va foule advèsè nou yo anba pye L.