Sòm 100 - Bib Sen An: Kreyòl Ayisyen

Yon Sòm Remèsiman an

¹ Rele fò a SENYÈ tout latè a!

² Sèvi SENYÈ a avèk kè kontan! Vini devan Li avèk chan lajwa.

³ Konnen ke SENYÈ a, Li menm, se Bondye. Se Li menm ki te fè nou, e se pou Li nou ye. Nou se pèp Li e mouton patiraj Li.

⁴ Antre nan pòtay Li yo avèk remèsiman, e nan lakou Li yo avèk lwanj. Ba Li remèsiman! Beni non Li!

⁵ Paske Bondye bon. Lanmou dous li a dire jis pou tout tan, e fidelite Li a tout jenerasyon yo.