Sòm 1 - Bib Sen An: Kreyòl Ayisyen

Liv I

¹ Beni se nonm ki pa mache nan konsèy mechan yo ni kanpe nan pa pechè yo, ni chita nan chèz mokè yo,

² men gran plezi li se nan lalwa SENYÈ a. Sou lalwa Li, li reflechi lajounen kon lannwit.

³ Li va tankou yon pyebwa ki plante bò kote flèv dlo ki bay fwi li nan sezon li. Fèy li p ap janm fane, e tout sa li fè byen reyisi.

⁴ Mechan yo pa konsa. Yo tankou pay ke van an pouse ale.

⁵ Pou sa, mechan yo p ap kanpe nan chèz jijman an, ni pechè yo nan asanble ak moun dwat yo.

⁶ Paske SENYÈ a konnen chemen a sila ki dwat yo, men chemen a mechan yo va disparèt.