TƏ́DA 26 - Bible sar

Tə́da kutə ngán Israel gə̄ kə́ nge ko̰ jōó

¹⁹ Gō yá̰á̰ kə́ tōr̄ ń noō tə́ anī, Ngán *Juda gə̄ i Er nin̄ kə Onan. Er nin̄ kə Onan oyn̄ kɔ̄ɔ́ dɔ nang kə́ Kanaan tə́.

¹ Kɔ́ɔ̄ɓē əda Moijə nin̄ kə Eleajar nge tun̄ yá̰á̰ ń i ngōn̄ *Aaro̰ ní na:

² Ī-tə́daī kutə ngán *Israel gə̄ kə gō gír kojə yādə́ gēé. Ī-tə́daī kutə de kə́ dəngam gə̄ ń udən̄ áskaraá á ɓāl̄də́ ḭḭ dɔ kutə jōó tə́ kum kə̄ dɔɔ́ ní.

³ Tā anī Moijə nin̄ kə Eleajar *nge tun̄ yá̰a̰ ɔrə̄n̄ najə̄ kə ngán Israel gēé ndágə loo gə̄ kə́ Moab tə́, dɔ gɔ́sə ba Jurdḛ tə́, loo ń ra sɔɔ̄n̄ ta naā kə ɓē kə́ Jeriko ní tə́. Nin̄ ədan̄də́ na:

⁴ J-a jə-tə́da kutə de kə́ dəngam gə̄ ń ɓāl̄də́ ḭḭ dɔ kutə jōó tə́ kum kə̄ dɔɔ́ ní tītə̄ ń Kɔ́ɔ̄ɓē ədań Moijə ní. Ngán Israel gə̄ ń teēn̄ kɔ̄ɔ́ kem ɓē kə́ Ejiptə tə́ ní, nin̄ n toó:

⁵ Ruben i hágə Israel. Ngán Ruben gə̄ n toō: Hanok gə̄, i de gə̄ kə́ gír kaa yā Hanok ngōn̄ Ruben tə́. Palu gə̄, i de gə̄ kə́ gír kaa yā Palu ngōn̄ Ruben tə́

⁶ Hesəron gə̄ i de gə̄ kə́ gír kaa yā Hesəron ngōn̄ Ruben tə́. Karmi gə̄ i de gə̄ kə́ gír kaa yā Karmi ngōn̄ Ruben tə́.

⁷ Gír kaa gə̄ yā Ruben n noó. Kutə de kə́ dəngam gə̄ malang i deē 43 730.

⁸ Palu ojə Eliab.

⁹ Eliab ojə Nemuel ō, Datan ō, Abiram ō. Datan nin̄ kə Abiram i ngé kɔsə kum gotə ngán *Israel gə̄ ń ḭḭn̄ kə Moijə ō, *Aaro̰ ō, kə najá ní. Nin̄ i dan de gə̄ yā Kore ń mbātə́n̄ *ndū najə̄ yā Kɔ́ɔ̄ɓē tə́ ní.

¹⁰ Dɔ nang teē tan urdə́ naā tə́ kə Kore, ndɔ̄ ń deē yā Kore gə̄ oynə̄ń malang tə́ ō, hor o̰o̰ń de gə̄ ɓú jōó kə kutə mí tə́ ō ní. Nge ń noō i kadə̄ dɔ gotə de gə̄ reēń ō, gír̄nəń yá̰a̰ ō.

¹¹ Banī ndɔ̄ ń noō tə́ ngán Kore gə̄ oyn̄ alé.

¹² Ngán Simeo̰ gə̄ kə gír kaadə́ gēé n toó: Nemuel gə̄ i de gə̄ ké gír kaa yā Nemuel tə́. Yamin gə̄ i de gə̄ kə́ gír kaa yā Yamin tə́. Yakin gə̄ i de gə̄ kə́ gír kaa yā Yakin tə́.

¹³ Jera gə̄ i de gə̄ kə́ gír kaa yā Jera tə́. Saul gə̄ i de gə̄ kə́ gír kaa yā Saul tə́.

¹⁴ Gír kaa gə̄ yā Simeo̰ n noó. Kutə de kə́ dəngam gə̄ malang i deē 22 200.

¹⁵ Ngán Gad gə̄ kə gír kaadə́ gēé n toó: Sepon gə̄ i de gə̄ kə́ gír kaa yā Sepon tə́. Hagi gə̄ i de gə̄ ké gír kaa yā Hagi tə́ Suni gə̄ i de gə̄ ké gír kaa yā Suni tə́.

¹⁶ Osəni gə̄ i de gə̄ kə́ gír kaa yā Osəni tə́. Eri gə̄ i de gə̄ kə́ gír kaa yā Eri tə́.

¹⁷ Arod gə̄ i de gə̄ kə́ gír kaa yā Arod tə́. Areli gə̄ i de gə̄ kə́ gír kaa yā Areli tə́.

¹⁸ Gír kaa yā ngán Gad gə̄ n noó. De kə́ dəngam gə̄ malang i deē 40 500.

²⁰ Ngán *Juda gə̄ kə gír kaadə́ gēé n toó: Sela gə̄ i de gə̄ kə́ gír kaa yā Sela tə́. Peres gə̄ i de gə̄ kə́ gír kaa yā Peres tə́. Jera gə̄ i de gə̄ kə́ gír kaa yā Jera tə́.

²¹ Ngán Peres gə̄ n toó: Hesəron gə̄ i de gə̄ kə́ gír kaa yā Hesəron tə́. Hamul gə̄ i de gə̄ kə́ gír kaa yā Hamul tə́.

²² Gír kaa gə̄ yā *Juda n noó. De kə́ dəngam gə̄ malang i deē 76 500.

²³ Ngán Isakar gə̄ kə gír kaadə́ gēé n toó: Tola gə̄ i de gə̄ kə́ gír kaa yā Tola tə́. Puba gə̄ i de gə̄ kə́ gír kaa yā Puba tə́.

²⁴ Yasub gə̄ i de gə̄ kə́ gír kaa yā Yasub tə́. Simron gə̄ i de gə̄ kə́ gír kaa yā Simron tə́

²⁵ Gír kaa gə̄ yā Isakar n noó. De kə́ dəngam gə̄ malang i deē 64 300.

²⁶ Ngán Jabulo̰ gə̄ kə gír kaadə́ gēé n toó: Sered gə̄ i de gə̄ kə́ gír kaa yā Sered tə́. Elon gə̄ i de gə̄ kə́ gír kaa yā Elon tə́. Yalel gə̄ i de gə̄ kə́ gír kaa yā Yalel tə́.

²⁷ Gír kaa gə̄ yā Jabulo̰ n noó. De kə́ dəngam gə̄ malang i deē 60 500.

²⁸ Ngán Jəjep gə̄ kə gír kaadə́ gēé n toó: Manase nin̄ kə *Epəraim.

²⁹ Ngán Manase gə̄ n toó: Makir gə̄ i de gə̄ kə́ gír kaa yā Makir tə́. Makir ojə Galaad. Galaad gə̄ i de gə̄ kə́ gír kaa yā Galaad tə́.

³⁰ Ngán Galaad gə̄ n toó: Yejer gə̄ i de gə̄ kə́ gír kaa yā Yejer tə́. Helek gə̄ i de gə̄ kə́ gír kaa yā Helek tə́.

³¹ Asriel gə̄ i de gə̄ kə́ gír kaa yā Asriel tə́. Sekem gə̄ i de gə̄ kə́ gír kaa yā Sekem tə́.

³² Semida gə̄ i de gə̄ kə́ gír kaa yā Semida tə́. Heper gə̄ i de gə̄ kə́ gír kaa yā Heper tə́.

³³ Selopad ngōn̄ Heper ojə ngōn̄ kə́ dəngam alé, ba ojə i ngáń kə́ dəyá̰ gə̄ ngóy. Ngán Selopad kə́ dəyá̰ gə̄ ní rīdə́ na i Mala ō, Noa ō, Hogəla ō, Milka ō, Tirsa ō.

³⁴ Gír kaa gə̄ yā Manase n noó. De kə́ dəngam gə̄ malang i de 52 700.

³⁵ Ngán *Epəraim gə̄ kə gír kaadə́ gēé n toó: Sutela gə̄ i de gə̄ kə́ gír kaa yā Sutela tə́. Beker gə̄ i de gə̄ kə́ gír kaa yā Beker tə́. Tahan gə̄ i de gə̄ kə́ gír kaa yā Tahan tə́.

³⁶ Ngán Sutela gə̄ n toó: Eran gə̄ i de gə̄ ké gír kaa yā Eran tə́.

³⁷ Gír kaa gə̄ yā *Epəraim n noó. De kə́ dəngam gə̄ malang i deē 32 500. Kutə ngán Jəjep gə̄ malang ń tə́dan̄də́ kə gō gír kaadə́ gēé ní n noó.

³⁸ Ngán Benjamḛ gə̄ kə gír kaadə́ gēé n toó: Bela gə̄ i de gə̄ kə́ gír kaa yā Bela tə́. Asəbel gə̄ i de gə̄ kə́ gír kaa yā Asəbel tə́. Ahiram gə̄ i de gə̄ kə́ gír kaa yā Ahiram tə́.

³⁹ Sepupam gə̄ i de gə̄ kə́ gír kaa yā Sepupam tə́. Hupam gə̄ i de gə̄ kə́ gír kaa yā Hupam tə́.

⁴⁰ Ngán Bela gə̄ n toó: Ard ō, Naaman ō. Ard gə̄ i de gə̄ kə́ gír kaa yā Ard tə́ ō, Naaman gə̄ i de kə́ gír kaa yā Naaman tə́ ō.

⁴¹ Kutə ngán Benjamḛ gə̄ malang ń tə́dan̄də́ kə gō gír kaadə́ gēé ní n noó. De kə́ dəngam gə̄ malang i deē 45 600.

⁴² Ngán Dan gə̄ kə gír kaadə́ gēé n toó: Suham gə̄ i de gə̄ kə́ gír kaa yā Suham tə́. Kutə ngán Dan gə̄ malang ń tə́dan̄də́ kə gō gír kaadə́ gēé ní n noó.

⁴³ De kə́ dəngam gə̄ malang kə́ gír kaa yā Suham tə́ i deē 64 400.

⁴⁴ Ngán Aser gə̄ kə gír kaadə́ gēé n toó: Iməna gə̄ i de gə̄ kə́ gír kaa yā Yiməna tə́. Isəbi gə̄ i de gə̄ kə́ gír kaa yā Isəbi tə́. Beria gə̄ i de gə̄ kə́ gír kaa yā Beria tə́.

⁴⁵ De gə̄ ń ngán Beria gə̄ ojən̄də́ ní n toó: Heber gə̄ i de gə̄ kə́ gír kaa yā Heber tə́. Malkiel gə̄ i de gə̄ kə́ gír kaa yā Malkiel tə́.

⁴⁶ Rī ngōn̄ Aser kə́ dəyá̰ na i Sera.

⁴⁷ Gír kaa gə̄ yā Aser gə̄ n noó. De kə́ dəngam gə̄ malang i deē 53 400.

⁴⁸ Ngán Nepətali gə̄ kə gō gír kaadə́ gēé n toó: Yasiel gə̄ i de gə̄ kə́ gír kaa yā Yasiel tə́. Guni gə̄ i de gə̄ kə́ gír kaa yā Guni tə́.

⁴⁹ Yeser gə̄ i de gə̄ kə́ gír kaa yā Yeser tə́. Silem gə̄ i de gə̄ kə́ gír kaa yā Silem tə́.

⁵⁰ Kutə ngán Nepətali gə̄ malang n tə́dan̄də́ kə gō gír kaadə́ gēé ní n noó. De kə́ dəngam gə̄ malang i deē 45 500.

⁵¹ Ngán Israel gə̄ kə́ dəngam gə̄ malang i deē 601 730.

Kɔ́ɔ̄ɓē ɔjə loo gán̄g dɔ nang kə́ Kanaan tām̄ yā ngán Israel gə̄ tə́

⁵² Kɔ́ɔ̄ɓē əda Moijə na:

⁵³ I gír kaa gə̄ ń noó n ā ī-gán̄g dɔ nang kə́ Kanaan naā tə́ yā kadə̄də́ ní. Ā ādə̄də́ i kə gó kutədə́ gēé.

⁵⁴ Gír kaa ń de kə́ tū tə́ gə̄ i ngá̰ý ní, ā ī-gān̄g dɔ nang yādə́ kadə̄ asə tām̄ ō, gír kaa ń de kə́ tū tə́ gə̄ i sḛ́ý beē ní, ā ī-gān̄g dɔ nang yādə́ i kə looneé ō.

⁵⁵ Ā ī-túgī i wə̄lā n ā ī-gángīiń dɔ nang kə dɔ gír ɓē gēé ō, kə gō de gə̄ kə́ tū tə́ ō ní.

⁵⁶ Dɔ nang kə́ yā kadə̄ gír ɓē kə́ bo aké kə́ dūú ənge ní, i wə̄lā n a ɔjə dɔ ní.

Tə́dan̄ kutə ngán Lebi gə̄ nja kə́ nge ko̰ jōó

⁵⁷ *Ngán Lebi gə̄ ń tə́dan̄də́ kə gō gír kaadə́ gēé ní n toó: Gerson gə̄ i de gə̄ kə́ gír kaa yā Gerson tə́. Kehat gə̄ i de gə̄ kə́ gír kaa yā Kehat tə́. Merari gə̄ i de gə̄ kə́ gír kaa yā Merari tə́.

⁵⁸ Gír kaa gə̄ yā Lebi n toó: Libəni gə̄, Hebron gə̄, Mali gə̄, Musi gə̄, Kore gə̄. Kehat ojə Amram.

⁵⁹ Rī nə̄yá̰ Amram na i Yokebed. Yokebed i ngōn̄ Lebi kə́ dəyá̰. Kó̰o̰n ojən i dɔ nang kə́ Ejiptə tə́. Ngán gə̄ ń Yokebed ojə adə̄ Amram ní n toó: *Aaro̰ ō, Moijə ō, ngōkó̰ó̰də́ kə́ dəyá̰ ń rīn na i Miriam ní ō.

⁶⁰ Aaro̰ ojə Nadab ō, Abihu ō, Eleajar ō, Itamar ō.

⁶¹ Nadab nin̄ kə Abihu ooyn̄ tām̄ hor kə́ karī ń aw̄nəń ta kum Kɔ́ɔ̄ɓē tə́ ní.

⁶² *Ngán Lebi kə́ dəngam gə̄ malang i deē 23 000 kum naā tə́ kə ngáń kə́ dəngam gə̄ kə́ ɓāl̄də́ ḭḭ dɔ nāā kógə̄ḿ tə́ kum kə̄ dɔɔ́. Tə́dan̄də́ naā tə́ kə gotə ngán *Israel gēé alé, tām̄ dɔ nang kə́ Kanaan ń a gángə̄n̄ naā tə́ yā nə̄ɓō ngán Israel gə̄ ní, nin̄ a əngen̄ alé.

Ta tɔ̄l̄ ta najə̄ kə́ dɔ tə́da de gə̄ tə́

⁶³ Ngán Israel gə̄ ń Moijə nin̄ kə Eleajar *nge tun̄ yá̰a̰ tə́dan̄də́ ndagə loo gə̄ kə́ Moab tə́, dɔ gɔ́sə bā Jurdḛ ń ra sɔɔ̄n̄ tá naā kə ɓē kə́ Jeriko ní n noó.

⁶⁴ Ngé gə̄ ń Moijə nin̄ kə *Aaro̰ nge tun̄ yá̰a̰ tə́dan̄də́ kem dəla loo kə́ *Sinai tə́ ní, gətóon̄ dandə́ tə́.

⁶⁵ Tɔdɔ̄ Kɔ́ɔ̄ɓē ədadə́ na a oyn̄ kem dəla loo tə́. Nin̄ oyn̄ rɔ̄kum tām̄ deē kógə̄ḿ kə́ dandə́ tə́ kə́ teē gətóo, ba i Kaleb ngōn̄ Yepune ō, Jojue ngōn̄ Nun ō, ngóy n teēn̄ ní.