TƏ́DA 2 - Bible sar

Loo ndi ɓē yā ngán Israel gə̄

¹ Kɔ́ɔ̄ɓē ɔr̄ najə̄ kə Moijə ō, *Aaro̰ ō, ədadə́ na:

² Ngán Israel gə̄ a ndin̄ ɓē i kə gō ɓūtə̄də́ gēé, kem gérger yādə́ gə̄ tə́, kadə dərapóo kə́ gír ɓē yādə́ gə̄ tə́. Nin̄ a ndin̄ i kə gō gidə kújə kənge naá, banī dɔ dáńdə́ kə kújə́ ní a to sḛ́ý.

^3-8 *Juda a ndi ɓē i kə̄ kété, dām̄ kə́ dūn̄ tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Juda tə́ i Nason ngōn̄ Aminadab. De gə̄ yān gə̄ i 74 600. Ngol ngé rɔ̄ɔ̄ gə̄ kə́ gír ɓē yā Isakar tə́ i Netanel ngōn̄ Suar. De gə̄ yān gə̄ i 54 400. Ngol ngé rɔ̄ɔ̄ gə̄ kə́ gír ɓē yā Jabulo̰ tə́ i Eliab ngōn̄ Helon. De gə̄ yān gə̄ i 57 400.

⁹ Adə̄ ɓūtə̄ ngé rɔ̄ɔ̄ gə̄ kə́ gír mətá kə́ kem gérger yā *Juda tə́ ní, kutədə́ malang i deē 186 400. I nin̄ n njə̄rān̄ kété no ngán *Israel gə̄ tə́ ní.

^10-15 Ruben a ndi ɓē i dām̄ mbɔ́r ɓē kə́ geleé tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Ruben tə́ i Elisur ngōn̄ Sedeur. De gə̄ yān gə̄ i 46 500. Ngol ngé rɔ̄ɔ̄ gə̄ kə́ gír ɓē yā Simeo̰ tə́ i Selumiel ngōn̄ Surisaday. De gə̄ yān gə̄ i 59 300. Ngol ngé rɔ̄ɔ̄ gə̄ kə́ gír ɓē yā Gad tə́ i Eliasap ngōn̄ Dewel. De gə̄ yān gə̄ i 45 650.

¹⁶ Adə̄ ɓūtə̄ ngé rɔ̄ɔ̄ gə̄ kə́ gír mətá kə́ kem gérger yā Ruben tə́ ní, kutədə́ malang i deé 151 450. I nin̄ a utə̄n̄ gō ngé rɔ̄ɔ̄ gə̄ yā *Juda ní.

¹⁷ *Ngán Lebi gə̄ a njə̄rān̄ gō ngé rɔ̄ɔ̄ gə̄ yā Ruben tə́ kə kújə kənge naá. Ɓūtə̄ ngé rɔ̄ɔ̄ kə́ jōó gə̄ i kété ō, ɓūtə̄ ngé rɔ̄ɔ̄ kə́ jōó gə̄ i gogə́ ō, ba nin̄ i danaá. A njə̄rān̄ i kə gō ɓūtə̄ yādə́ gə̄ ń ndinə̄ń ní, kə gō naá, gō dərapóo yādə́ gə̄ tə́.

^18-23 *Epəraim a ndi ɓē i dām̄ kə́ no ɓē tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Epəraim tə́ i Elisama ngōn̄ Amihud. De gə̄ yān gə̄ i 40 500. Ngol ngé rɔ̄ɔ̄ gə̄ kə́ gír ɓē yā Manase tə́ i Gamliel ngōn̄ Pedasur. De gə̄ yān gə̄ i 32 200. Ngol ngé rɔ̄ɔ̄ gə̄ kə́ gír ɓē yā Benjamḛ tə́ i Abidan ngōn̄ Gidoni. De gə̄ yān gə̄ i 35 400.

²⁴ Adə̄ ɓūtə̄ ngé rɔ̄ɔ̄ gə̄ kə́ gír mətá kə́ kem gérger yā *Epəraim tə́ ní, kutədə́ malang i deē 108 100. Nin̄ a utə̄n̄ i gō *ngán Lebi gə̄.

^25-30 Dan a ndi ɓē i dām̄ mbɔ́r ɓē kə́ ko̰ó̰ tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Dan tə́ i Ahiejer ngōn̄ Amisaday. De gə̄ yān gə̄ i 62 700. Ngol ngé rɔ̄ɔ̄ gə̄ kə́ gír ɓē yā Aser tə́ i Pagiel ngōn̄ Okəran. De gə̄ yān gə̄ i 41 500. Ngol ngé rɔ̄ɔ̄ kə́ gír ɓē yā Nepətali tə́ i Ahira ngōn̄ Enan. De gə̄ yān gə̄ i 53 400.

³¹ Adə̄ ɓūtə̄ ngé rɔ̄ɔ̄ gə̄ kə́ gír mətá kə́ kem gérger yā Dan tə́ ní, kutədə́ malang i deē 157 600. I nin̄ n i ta mūtə̄ bōȳ madə̄də́ gə̄ kə dərapóo yādə́ ní.

³² Kutə ngán *Israel gə̄ malang ń tə́dan̄də́ kə gō gír ɓē yādə́ gēé ō, kə gō ɓūtə̄ ngé rɔ̄ɔ̄ yādə́ gēé ō ní, i deē 603 550.

³³ Tītə̄ ń Kɔ́ɔ̄ɓē ədań Moijə ní tə́dan̄ de gə̄ kə́ gír ɓē yā Lebi tə́ naā tə́ kə ngán *Israel kə́ rang gēé alé.

³⁴ Yá̰a̰ malang ń ngán Israel gə̄ rāān̄ ní, rāān̄ i kə gō ń Kɔ́ɔ̄ɓē ədań Moijə ní. Nin̄ ndin̄ ɓē i kə gō ɓūtə̄ yādə́ gēé, kadə dərapóo yādə́ gə̄ tə́ ō, ré a ndɔ́tə̄n̄ ɓē anī a njə̄rān̄ i kə gō gír kaadə́ gēé ō, gír kojə yādə́ gēé ō.