ESTER 10 - Bible sar

Mardose i de kə́ bo

¹ Mban̄g Jerses gān̄g lambóo dɔ de gə̄ ń ndin̄ dɔ nang kə́ laa ngá̰ý tə́ ní ō, de gə̄ ń ndin̄ dɔ dor̄ loo gə̄ kə́ kum bā bo tə́ ní ō.

² Yá̰á̰ kə́ bo gə̄ malang ń ni-rāā ɔjəń tɔ́gən ō, kəhɔ rɔ̄ tɔgə yān ō, loo kəndā ń ni-əndā Mardose loo kə́ bo tə́ ō ní, ndangən̄ kem makətūbə̄ kəla rāā mban̄g gə̄ kə́ Medi tə́ ō, Persə tə́ ō tə́.

³ Tɔdɔ̄ kem ɓē ko̰o̰ yā mban̄g Jerses tə́ ní de kə́ utə̄ gō mban̄g Jerses i Mardose ń ni i *Jipə deē ní. Mardose i de kə́ bo kə́ dan Jipə gə̄ tə́ ō, nel̄ ngákó̰o̰n kə́ Jipə gə̄ malang seneé ō. Ni sāā yá̰á̰ kə́ majə tām̄ yā gír deē yān gə̄ tə́ ō, ɔr̄ najə̄ lápə́ya tām̄ yādə́ tə́ ō.