Mudhii Yohaannisii 11 - KITAABA WAAQA

¹ Jennaani ule woiini biimani nati kennani waan jed'ani, kai, Mana Waaqatiifi waan sorio irati qalani biimi jara keesati kad'atu ch'ufa hedi.

² Ammo ch'icha Mana Waaqa ala d'und'uma ind'aiini, isi ya gosa d'ibiti kennani, aka worri Dira Qulqullo jia afurtami lama ira ejaanjattu.

³ Anini d'uga tiyya lama erga; isiini ch'arqi uyifatte guyya kunki tokotiifi d'ibba lamatiifi jaatama d'aamsa Waaqaa odeesiti jed'ani.

⁴ D'ugaani lamaani suni mukha ejersa lamaaniifi ifse lamaani ta fuula Abba lafa dura ejaanjitu.

⁵ Yo nami worraa tuqu fed'u, ibidi afaani worra keesaa bahe, nyaapa worraa balleesa; akanaani nama worra tuqu fed'u ch'ufa ijeesani.

⁶ Worri jabeenna bokaa d'owu qaba, aka haga worri d'aamsa Waaqa dubbatu bokai imbuune. Jabeenna maddo bisaani ch'ufa d'iiga tolchaniini qabani; ammalle jabeenna gaargala gosa ch'ufa hojja fed'ani ch'ufa lafaani d'ufani qabani.

⁷ Yo worri d'aamsa ufi hobaafate, bineensi boola qile keesaa gadi bahu worra had'a. Dabsateti ijeesa,

⁸ reefi worraa kara dira gudda keesa ch'ich'isa, fulla abba worraa mukhati fannisani. Maqaani akheekha ka dira sunini yaamani Sodoma yokhaani Misiri.

⁹ Nami gosa ch'ufa, ka lafa ch'ufa, ka afaani ch'ufa, guyya sadifi nusa reefa worraa ilaale awaalu d'owa.

¹⁰ Nami lafa ch'ufa maro duisa jara kana lamaanitiifi gammade, Jila tolfate, wa woli erge, waan raagi suni lamaani qara gaargala gudda lafatiini d'ufeefi.

¹¹ Eegi guyya sadifi nusa hafuuri jireenna gara Waaqati d'ufe worra seene olkakaani; nami worra arge ch'ufti guddo sodaate.

¹² Jennaani raagooti lamaani qonqo guddo ta gubba, Arma koota worraani jettu d'ageete. Akuma nyaapi worra ilaaluuni, kaani dumansa keesa gubbati galani.

¹³ Hojja suni lafti chochoote, qooda kud'anneeso ka dira hobaasani, nami kunki torba, lafti chochoonaani, raawate. Nami hafe sodaate jabeenna Waaqa ka gubbaa faarse.

¹⁴ Gaargali lameeso ya hobae; ammo ilaali! Gaargali sadeeso d'ufu jira.

¹⁵ Jennaani malaikaani torbeeso magalata ufi d'oofte, qonqooni guddooni gubbaa baate waan jette, Jabeenni lafaani fidani amma ka Aabbo keennatiifi ka Kristo isaati, inni haga hegeri fida.

¹⁶ Jennaani jaaroleeni diddami afuri, ta barch'uma guddinna Waaqa dura teetu, fuula durati jidde, lafati gogombofamte Waaqa kad'ate.

¹⁷ Waan jette, Aabbo Waaqa Gudda, ka ammafi durile jiru! Nu galata sii deebimna, waan atini jabeenna kanke agarsiifte finna lafa iti keyatteefi!

¹⁸ Worri Waaqa imbeenne ya dalane, ammo dalansuuni tante ya d'ufte, hojjaani worra due qoranile; ammalle hojjaani hojattu tante raagootafi nama ch'ufa, diqaafi guddale, nama si sodaatu ch'ufa galata kennaniifi ya d'ufte. Yoi nama lafa balleesu balleesani ya gahe!

¹⁹ Mana Waaqa ka gubba jiru banani, sanduqa wold'aqisa kaani Mana Waaqa keesati argani. Duuba hangaasufi dibbeesafi d'uqeesa mandiisutifi chochoiti lafatiifi bokeeni d'akhaani roobe.