Isaya 31 - KITAABA WAAQA

¹ Nama lafa Misiri qarqaarsa kad'achu d'aqu ya bade! Worri fardaafi gaari fardi hirkisufi askarti worraa heddu abdata. Ammo AABBO Waaqa Qulqullo Israeli, inabdatani, yokhaani qarqaarsa inkad'atani.

² Inni waan tolchu jiru imbeekha, gaargala namati erge, worra ch'ubbu qabuufi worra worra qorqoratule illakisu.

³ Worri Misiri namuma, Waaqaniti; fardi worraleeni farduma, waan gubbaa gabueeniti. Hojja AABBO Waaqi wo tolchu, gochiti jabduuni irre d'abde gochiti laaftuni worri qarqaareleni badi. Worri lachu wolumaani d'umata.

⁴ AABBO Waaqi waan naani jed'e, Ato tissituuni haga feetu lalabde iyyitele, dandeete nyeench'a waan nyaate ira tau iraa inkaaftu. Akasuma wonti dandae ana, AABBO Waaqa gudda, ka d'ufe gaara Sioni nyaapa iraa d'owu d'owa injirtu.

⁵ Akuma simpirreeni mana isii keesati ilmaani isi gubbaa martu, akasuma anini, AABBO Waaqi guddaani, Yerusalemu qorqorad'e nyaapa iraa d'owa.

⁶ AABBO Waaqi waan jed'e, Isani worri Israeli ya nati ch'ubbamtani na diddani, ammo ammatana nati deebia!

⁷ Guyyaani ind'ufa, ka isaniini ch'ufti waan qarsifi worqi ka isani harkaani mid'aasitani kad'atani ufira gattani.

⁸ Worra Ashuru woraanani balleesani, ammo taatule harka namaatiini imballeesani. Worri woraana duraa baqate, kaima worrale tisse tolchani.

⁹ Hayyuuni worraa mudamsuuni baqata, ammalle jari askarti isaa gugurdaleeni lubbu ufii sodaate baandera ufi biraa baqate. Dubbi tana AABBO Waaqati jed'e, ka Yerusalemu keesati guddisani, achiti sorio gubani baasanifi.