Faaru 142 - KITAABA WAAQA

¹ Anini AABBO Waaqati bohe Na nahi jed'aani.

² Anini gungumsu tiyya ch'ufa isatini d'ufe; gaargala kiyya ch'ufa isati himad'a.

³ Hojja anini ufi jibbaad'u, isumati waan anini tahu male beekha. Nyaapi kiyya yayu kara anini gula deemu keesati t'urura naa kaye.

⁴ Hojja anini ufi bira millad'u, nama na qarqaare na qorqoratu inargu. Nami tokoleeni waan kiyya iyyaalu.

⁵ Ee AABBO Waaqa, anini siti boha, atini fulla anini iti baqad'u; wonti anini lafa tana irati fed'uleeni siuma.

⁶ Anini ya ufi jibbaad'e aka anini qarqaarsa siti bohu d'agayi, nyaapi kiyya guddo jaba, dabsachu indandau, duraa na baasi.

⁷ D'ipu tiyya keesa na baasi; duuba maro dansuma atini na garsiifteefi anini gumi tante durati si faarsa.