Yosue 12 - BII BILAVanaa Israɛlla nɔla o cɔwvo-a 1 Mí Israɛlla nɔla masaa va o lɛŋii ken nin-nda, má hialu lɛŋnde ndalen Yurdɛn leeloo a ba paalen le can-ndo, kandɔɔ o pee pɔmbɔɔ Arnɔn, kɔ tiiya háá o pembei Hɛrmɔn coo, handɔɔ a haa o bóllo Araba nin, nɛɛ paalen le can-nda. Masaa kan yɔŋnun haa ni: 2 Sihon masa Amoriia, ó va icali Hɛsbɔn-ndo. Ó va masalen tosaa kandɔɔ o tàndàá Aroɛr tɛɛn, o pee pɔmbɔɔ Arnɔn kɔngɔ-o, mí lɛŋnde o va masalen tosaa coo len le kɔ tiiya o tàndá Kalaad-o tɛɛn, mí le kɔ tiiya háá o pee pɔmbɔɔ Yabɔk, o pɛɛngulan a lɛŋnde Amɔnnda. 3 Ndu koni óò nɔ vɛlɛ bóllo Yurdɛn a ba paalen le can-ndo o ba bɛngu ni, kandɔɔ o mɛmma ihɛllan Kinnerɔt a maluaŋ, háá tiiyaa o mɛmma hɛlii bɛnduan, Bɛt-Yesimɔt ikɛi, handɔɔ o lɛŋnde co o pembei Piska tumndo a ba too len coo. 4 Masaa pillo yɔŋnun Ɔk ni. O va vana pilɛ o Refaimaa mɛɛlaa tɛɛn, o va masalen tosaa Basan. Astarɔt a Edrei o va icali ni. 5 Lɛŋnde o va masalen tosaa coo len léè kandun o pembei Hɛrmɔn, Salka, lɛŋnde Basan-nden kpow, kɔlan tiiyaa háá o pɛɛngulan a Kesuriia a Maakatiia, kɔlan o tàndá Kalaad-o tɛɛn, mí le tiiya háá o pɛɛngulan a lɛŋnde Sihon masa va Hɛsbɔn-ndo len. 6 Mí Moise, vana baala Mɛlɛka-o nda Israɛlla a nɔla masaa ŋiɔŋaa kalaa, mí Moise, vana baala Mɛlɛka-o yɔngu vanaa fula o polale Rubɛn-nden nin-nda, á fula o polale Kad len nin-nda a á fula o polale tálále Manase len nin-nda lɛŋii ndɛi ken. 7 Mi Yosue nda Israɛlla nɔla vɛlɛ masaa va Yurdɛn leeloo a ba paalen le del-lo-a, à lɛŋii ndɛi va kandɔɔ Baal-Kad o dɛɛlaa Liban nin a maluaŋ, tiiyaa háá o pembii bil vil coo lei, Seir ikɛi a ba too-a. Mó ke Israɛlla tàndàla lan mɛɛ polama ndan ma va yɛ. 8 Tàndàla va o pembon coo lan, la va o dɛngbɛlan nin o pembon tumndan ndan, la va o dɛɛlaa Yurdɛn nin-ndan, la va o pembon demullo lan, la va o lɛŋnde veselɛilen nin-ndan a tàndàla va o pembon holnɔnndo a ba too o lɛŋnde veselɛilen nin-ndan. O tàndàla lan nin Hitiia, Amoriia, Kanannda, Perisiia, Hiviia a Yebusiia va icali ni. 9 Masaa Yosue nɔla-a va masaa va o kobilan ndan nin-nda ni: masaa Yeriko, masaa va Ai co Betɛl ikɛi-yo-o, 10 masaa Yerusalɛm, masaa Hebrɔn, 11 masaa Yarmut, masaa Lakis, 12 masaa Ɛklɔn, masaa Kesɛr, 13 masaa Debir, masaa Kedɛr, 14 masaa Hɔrma, masaa Arad, 15 masaa Libna, masaa Adulam, 16 masaa Makeda, masaa Betɛl, 17 masaa Tapua, masaa Hefɛr, 18 masaa Afɛk, masaa Lasarɔn, 19 masaa Madon, masaa Hatsɔr, 20 masaa Simrɔn-Mɛrɔn, masaa Aksaf, 21 masaa Taanak, masaa Mekido, 22 masaa Kedɛs, masaa Yɔkneam o pembei Karmɛl coo, 23 masaa Dɔr o pembei landɔnndo, masaa Koyim co Kilkal ikɛi-yo, 24 a hoo Tirsa. Faw-faw, má bɛnda masaa beleyaa a ò pilɛ. |
© Alliance Biblique en Guinée
Bible Society in Guinea-Conakry