Biblia Todo Logo
Bib sou entènèt

- Piblisite -

1Samiɛl 5 - BII BILA


Kesu kpema Hala-o del Filistia o ba

1 Filistia hiɔlɔɔ kesu kpema Hala-o, má faŋa ndu Ebɛn-Esɛr, má kɔa a ndu Asdɔd,

2 má kɔ luei ndu o cɛi máán Dakɔn piɔm ndáà nɔ-o nin, má kɔ kɛsi ndu Dakɔn kon ikɛi.

3 Vannda Asdɔd cɔnɔnndo diimandɔɔ, má ca Dakɔn kon o delaa lɛŋ, o kuumbuan o kesu kpema Hala-o hɔl-ndɔ. Má mingi ndu simi o fonda ndɔɔ.

4 Diimandɔɔ pilɔɔ vɛlɛ, má pena cɔnɔn idiiyo púŋ, má saalun vɛlɛ Dakɔn o kuumbuan lɛŋ o kesu kpema Mɛlɛka-o hɔl-ndɔ. Bungɛi daama ndíì lonin ndu ni, kani mí bolle ndɔlen le piɔsi, mí bala ndɔlan bɛɛ la yomiyomi, mí la sɛŋin o kèédei máán kon coo.

5 Lelan, háá paalen nden, te vanaa-solia-lasálàá Dakɔn-nda a vanaa co Asdɔd lon-nda va pɛ luɛyɔɔ o máán piɔm kon nin, a nɛi o kèédei coo le.

6 Mí Mɛlɛka tuisi vɛlɛ vannda Asdɔd sangalan coo, mó luei nda siòònde taw, mó tuisi nda nàà bondokpaa coo, kandɔɔ Asdɔd ciee kɔ bii o cieon balu lon-ndon kpow.

7 Ndáà ciiyo sɔɔn mún mɛɛndianndo kpede, má dimi aa: «O co fisa mì kesu kpema Hala Israɛlla faŋan o naa lo nanu, kani Hala ndaa co lamamɔɔ tosa a Dakɔn piɔm naa a á naa pila le.»

8 O kon má veelu simlacia Filistia, má ɲuna nda aa: «Vɛ̀ɛ̀ naa n tòsan yɛ a kesu kpema Hala Israɛlla?» Mí kan mulul nda aa: «La cua kesu kalaa mì la kɔɛ a ndu Kat.» Má cua ndu, má kɔa a ndu Kat.

9 Kɛ ndáà tiiyaa dɔ́ɔ́ a ndu lon, mí Mɛlɛka tuisi vanaa va o kobi kon nin-nda kpow sangalan a kɔlta yulan-yulanndan coo. Mí nàà bondokpaa fula nda, kandɔɔ a cuaambɔa kɔ bii a kaasonnda kpede.

10 Fɔ́ɔ́fɔ̀, má hiaw a kesu kalaa Ekrɔn. Kɛ mɛɛ nda tiiya dɔ́ɔ́ vɛlɛ lon, mí vannda deŋi a caŋndan aa: «Yoo he-he! A cuu naa kesu kpema Hala Israɛlla le naa diwvo fɔ́!»

11 Mí nda bɛɛ veelu simlacia Filistia, má dimul nda aa: «La mingi kesu Hala Israɛlla nɛɛ o va-a, yɔŋii naa n cuu vu kpow.» Mí siòòŋii piɔ́mnde bii vannda o kobi kon nin taw. Kani ba Hala-o va vannda sangala bɛndulan tuisio coo taw, má va muungoo yulan-yulan.

12 Bondokpaa va vanaa ve vu le-a fulaa, má va koŋullo, mí diom ndaa va helɔɔ háá o halataala di.

© Alliance Biblique en Guinée

Bible Society in Guinea-Conakry
Swiv nou:



Piblisite