तीतुस 3 - बारेली पावरी

मसिही चाल चलन

¹ माणसो काजे कोय, कि प्रधान एने अधिकारीन कोयामा रोयू एने तिंदरी आग्या माणू एने होर एक वारला कामोन कोरता तीयार रोयू.

² कुदा काजे बोदनाम झुन कोरता, झोगळावा नि जुवे; बाकीन नोरमन स्वभाव जुवे, एने आखा माणसो पुठी, मोटी नम्रता पुठी रोये.

³ काहाकि आमु बी पेहेले बिन ओकल्या, एने आग्या नि मानने वावा, एने शंकामा पोळला एने भाती-भातीन लालच एने सुखविलासन गुलामीमा होता, एने भेदभाव, एने रीस कोरनेमा जीवन जीवता होता, एने भुंडला होता एने एक दिसरा पुठी सिगी कोरता होता.

⁴ बाकीन जेतार आमु छुटकारू आपनेवावा परमेश्वरोन दया एने माणसो पोर तेरो मोंग प्रकट होयो.

⁵ ती चू आमरू छुटकारू कोऱ्यु एने यो धोरमन कामोन वोजेसे नि, जो आमु खुद कोरला, बाकीन दयान अनसारे नोवला जन्मोन उंगेवनो एने पवित्र आत्मान आमु नोवलान बोनावनेण लारे होये.

⁶ जीनाक चू आमरा छुटकारू आपने वावु येसु मसिहन लारे आमरेपोर लोकेत रेचव्यू.

⁷ जीनासी आमुक तेरा दयासी धोरमी ठोरायू, ओमोर जीवनोन आसोन अनसारे वारीस बोन्या.

⁸ जी वात खोरली छे, एने मेसेक लागे कि, तू इनी बारामा नि बिहता बुले इनान कोरता कि जे परमेश्वर पोर भुरसू कोरला छे चे वारला-वारला कामोमा एने माणसोन फायदान होयो.

कलह सी वाचू

⁹ बाकीन बिन ओकोलोन विवाद एने पोयदावारी एने खिलाप एने झोगळासी जी आग्यान बारामा होय, वाचीन रोय; काहा चे बिना फोवोन एने वायबार छे.

¹⁰ कहानास झुटा काजे एक दुय कावार सोमजाडीन तीनासी ओलोग रोयजू.

¹¹ यो समजीन कि असलु माणूस खुवाय गोयलु छे, एने आपना खुदो काजे गुणावू कोयीन पाप कोरतू रोयतलू छे.

आखरी प्रचार

¹² जेतार मी तेरेनचा अरतिमास एने तुखीकुसमा मेकलु ती मारेंचा निकुपुलिसमा आवनेन कोशिश कोरजी काहाकि मी चान सेव्वो निकावनेन कोशिश कोर रोयू.

¹³ जेनास शास्त्रध्यापक एने अपुल्लोस काजे कोशिश कोरीन ओगोव मुकली देजी, एने देख कि तीनु काजे काहना चीजोन कोमी नि पोळनो जुवे.

¹⁴ आमरा माणसेबी गोरोज काजे पुरा कोरनेन कोरता वारला कामोमा लागला रोयनो सिके ताकी बिना फोवोन नि रोये.

सुभेच्छा

¹⁵ मारा आखा साथी दारोन तुसेक नमस्कार, यो भुरसान वजेसी आमरेपोर मोंग कोरतेला तेणूक नमस्कार. तुमरे आखापोर मोंग होयती रोये.