इफिसीयो 1 - बारेली पावरी

अभिवादन

¹ पौलुस तोरोफसी जी परमेश्वरोन मोर्जीसी येसु मसिहन प्रेषित छे तिना चुखला एने प्रभू येसु मसिहमा विश्वासी माणसोन नाव जो इफिसमा छे.

² आमरू बास परमेश्वर एने प्रभू येसु मसिहन भूनी गोथू तुमु काजे मोंग एने शांती जोळती रोये.

येसु मसिही मा छुटकारू

³ आमरा प्रभू येसु मसिहन परमेश्वर एने बासोन धन्यवाद होये कि चू आपनु काजे मसिहमा सोरगोन जागामा आखा भातीन आत्मिक आशिष आपलु छे.

⁴ जोसो चू आपनु काजे जोग बोननेन पेहेले गोथू नेवाळ लेदलु कि आपनु तेरे साते मोंगमा चुखला एने निरदोष रोये.

⁵ एने आपनी मोर्जीन वारला विचार आपनुक तेरे पेहेले नेवाळ्यू कि येसु मसिह लारे आपनु तेरा सेवेत्र्या पुऱ्या छे.

⁶ कि तिनान तिनी महिमान मोंगसी बोडाय होये, जीनाक चू आपनु काजे मोंगोमा फुकट आप्यू.

⁷ आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

⁸ जीनाक चू आखा एने टेम साते आमु काजे घोनो कोरायू.

⁹ काहाकि चू आपना मोर्जीन भेद तिना वारला विचार एरे अनसारे आमु काजे देखाळ्यू जीनासी चू आपना खुदोमा विचार कोऱ्यु.

¹⁰ कि टेमोन पुरो होयने पोर जो काय सोरगोमा एने धोरती पोर आखो काय चो मसिहमा एखठा कोरे.

¹¹ तीनामा जीनामा आमु बी तिनान मोर्जी जो आपनी मोर्जीन मोतोसी आखो काय कोरतेलू छे पेहेलेन ठेरावीन जायीन भागीदार बोनजे.

¹² कि आमु जे पेहेलेसी मसिह पोर आस मेकला होता तेरी महिमान स्तुतीन वजेसी छे.

¹³ एने तीनामा तुमरे पोर बी, जेतार तुमु खोरलो वचन सोमव्या जो तुमरे छुटकारान वारली खोबर छे एने जीना पोर तुमु भुरसू कोऱ्या, वायदा कोरला एने पवित्र आत्मान छापू लाग्यू.

¹⁴ चू तेरा मुले लेवायलान छुटकारान कोरता आमरी भागीदारी बोनावलु छे कि तेरी महिमान बडाय होये.

आत्मिक ग्यानोन कोरता प्रार्थना

¹⁵ इना रितीसी, मे बी तीना भुरसान जो तुमु माणसोमा प्रभू येसु पोर छे एने आखा चुखला माणसोन कोरता मोंगोन वारली खोबर सोमवीन.

¹⁶ तुमरेन कोरता धन्यवाद कोरनो नी छुळतलु एने आपनी प्रार्थनामा तुमुक फोम कोऱ्या कोरतेलू.

¹⁷ कि आमरा प्रभू येसु मसिहन परमेश्वर जू महिमान बास छे तुमु काजे आपनी उवखमा ग्यान एने विजावान आत्मा आपे.

¹⁸ एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

¹⁹ एने तेरी ताकत आमरेमा जे भुरसू कोरतेला छे कोतरु मोटू छे, तेरी ताकतोन ओसोर तिना कामोन अनसारे.

²⁰ जो चे मसिहमा कोऱ्या कि तीना काजे मोरलामा गोथू जीवाळीन सोरगोमा जागा पोर आपना जेवळे धोळे.

²¹ आखा भातीन नियम एने होक एने प्रधानता एने ताकत एने राज एने होर एक नावो पोर जे निस्ता इना टेमोमा नि, बाकीन आवने वावा टेमो पोर बी लेवाय जासे, बोसळया.

²² एने आखो काहीन तेरो पायो तोवे कोर देदु एने तीना काजे आखा चीजो पोर मुंडको ठेरावीन मंडवी काजे आप देदू.

²³ यो तेरो डील छे एने तेरोत परिपूर्णता छे जो आखामा आखो काय पुरो कोरतेला छे.