2 तीमथी 1 - बारेली पावरीसुभेच्छा 1 पौलुसोन तोरोफसी जू, इना जीवनोन वायदू ओनसारे मसिह येसुमा छे परमेश्वरोन मोर्जीसी मसिह येसु प्रेषितोन छे. 2 मोंगावा पुऱ्या तीमथीन नावे; परमेश्वर बास एने आत्मा प्रभू मसिहन येसुन तोरोफसी दया एने गिन एने शांती रोये. भुरसाम रोयनेन कोरता प्रोत्साहन 3 जिना परमेश्वरोन आपना बाप दादान रिती पोर चुखला विचारसी कोरतेला तेरो धन्यवाद होये कि मे आपनी प्रार्थनामा मे तुसेक एक सारखु फोम कोरतेलू. 4 एने तारा आसवा काजे फोम कोरीन कोरिन रात दाहळू तुसेक भेट कोरने कोरीन लालूच राखो कि खुशीसी भराय जाम. 5 मेसेक तारा इना चुखला भुरसान फोम आवतेली, जी पेहेले तारी डाहली आया लोईस एने युनिकेमा होता एने मेसेक भुरसू से कि तारेमा बी छे. 6 इनान वोजेसी मे तुसेक फोम देवाळो कि तू परमेश्वरोन इना वरदान काजे जे मारे हाते मेकनेन लारे तुसेक जोळला छे विजावो कोर दे. 7 काहाकि परमेश्वर आपनुक बिहनेन नी बाकीन ताकत एने मोंग, एने नोरमायीन, चुखली आत्मान आपलु छे. वारली खोबरोन कोरता लाजवायनो नि 8 इनान कोरता आत्मा प्रभून गोवायी सी एने माही सी जू तेरु बंदी छे लज्जीत नी होये बाकीन इना परमेश्वरोन ताकतोन ओनसारे वारली खोबरोन कोरता मारे पुठी दुख वेठ्या. 9 जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे. 10 बाकीन हिमी छुटकारू कोरता मसिह येसुन प्रगट होयनेन बारामा विजावो जू मोतोन नाश कोरन्यू जीवन एने ओमोर काजे इना वारली खोबरोन बारामा विजावो कोर देदु. 11 जिनान कोरता मे प्रचारक, एने प्रेषितोन, एने वारली खोबरोन प्रचारक भी ठेरायु. 12 इनान वजेसी मे इना दुतो काजे झेल रोयू बाकीन लाजवायतू नी काहाकि मे भुरसू कोरलु छे, उवेखतलु एने मारू भुरसू से कि चू मारी रोकोमन तिने दाहळे तोक राखवावी कोर सोकतलु. भुरसान कोरता इमानदार 13 जी ठारलो वात तू मार मुये सोमोवतलु छे तीनाक भुरसू एने मोंग पुठी जे मसिह येसुन मा छे आपनो वारलु बोनीन मेक. 14 इनी पवित्र आत्मान लारे जो आमरेमा बोसलो छे, इना वारला सेवा राखवावी कोर. 15 तुसेक मालूम छे कि आसिया वावा आखा मारेंचा गोथा फिर गोया, जीनामा फुगल एने हिरमुगिनेस छे. 16 उनेसिफुरूस घोरोपोर प्रभू दया कोर काहाकि चू लोकेत कावा मारा जीवो काजे थंड कोरला एने मारा बे साकव्यासी लाजवाये नि. 17 बाकीन जेतार चू रोममा आव्यु ती घोनो मेहनती हेरीन मेसेक भेट्यू. 18 प्रभू कोरे कि तिने दाहळे तीना पोर प्रभून दया होये एने जी-जी सेवा यु इफिसमा कोरलु छे तीनुक बी तू वारला रितीसी जानतलु. |
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation