2 कुरीन्थियो 2 - बारेली पावरी

आपना मोंगोन खातरी कोरनो

¹ मे आपना मनोमा यो ठेराव कोऱ्यु कि ओवी तुमरेनचा तुमु काजे नाराज कोरणे नी आवो.

² काहाकि मे अगर तुमु काजे नाराज कोरो, ती मेसेक खुशी आपनेवावू कून रोयसे, निस्तु चू जीना काजे मे नाराज कोऱ्यु.

³ एने मे जीत वात तुमु काजे इनान कोरता लिख्यू कि कोदि ओसो नी होये कि मारे आवनेसी, जीनासी मेसे काजे खुशी जोळनो जुवे मे तिंदरेसी नाराज होयो काहाकि मेसेक तुमरे आखापोर इनी वातोन भुरसू छे कि जू मारा आनंद छे, चोत तुमरा आखान बी छे.

⁴ जुदु तोकलीतसी एने मोनोन मेहनतसी मे घोणा सोवटा आसवा वोयाळीन तुमु काजे लिखलू होतु कि तुमु तिना मोटला मोंग काजे जान लेवू, जो मेसेक तुमरेसी से.

पापी काजे क्षमा

⁵ अगर कुदू नाराज कोऱ्या, ती मेसे काजे अतोरो नी बाकीन (कि तेरे साते घोनो जुदो कोळक रितीसी) काहीन-काहीन तुमु आखा काजे बी नाराज कोरलु छे.

⁶ ओसला जोनान कोरता यो दोंड जे भाशोमा गोथा घोन सोवटा आप्या, रेट छे.

⁷ इनान कोरता एरे गोथो वारू यो छे कि तेरु गुणू माफ कोरु एने शांती आपु, ओसो नी होयनो जुवे कि माणूस जादा नाराजमा डूब जाय.

⁸ इनान वोजेसी मे तुमु काजे विनता कोरो कि तिना काजे आपना मोंगोन सबूत आपो.

⁹ काहाकि मे इनान कोरता बी लिखलू कि तुमु काजे पारखी लोम कि मारा आखा वातो काजे माननेन कोरता तीयार छे कि नी होय.

¹⁰ जिना काजे तुमु काहीन माफ कोरतेला तीनामा बी माफ कोरतेला छे काहाकि मे बी काहीन माफ कोरतेलू; ओगर कोरतेलू होय, ती तुमरे वोजेसी मसिहन जागे मे रोयीण माफ कोरतेलू छे.

¹¹ कि भुतडान आपनेपोर डाव नी चाले काहाकि आमु तेरे युक्ती सी अनजानला नी होय.

माकीदुनिया कोरता यात्रा

¹² जेतार मे मसिहन वारली खोबर सोमवाळने त्रोआसमा आव्यु एने प्रभू मारेन कोरता एक झोपलु उगाळ देदू.

¹³ ती मारा मोनोम आराम नी जोळ्यो इनान कोरता कि मे मारा भाश तीतुस काजे नी मेव्यू; इनान कोरता तीनुमा गोथू निकवीन मकीदुनीया जात रोयू.

मसिही सेवोक एने जीवनोन सुघंध

¹⁴ बाकीन परमेश्वरोन धन्यवाद होये जू मसिहमा आमु काजे तीहीवारोमा खुशी लीन फिरतलु छे एने, आपना ग्यानोन गोंद आमरे लारे आखे जागे फैलतलु.

¹⁵ काहाकि आपु परमेश्वर साते छुटकारू कोरणे वावा एने नाश होयने वावा दुयोन कोरता मसिह गोंद छे.

¹⁶ कुदान कोरता ते मोरनेन वोजह मोरनोन गोंद एने कोतराकोण कोतरा जीवनोन कोतरा जीवनोन वारलु गोंध. भोलो इना वातोन लायक कून छे?

¹⁷ काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.