Mavingu 17 - Bhiblia Yo Sawuleka

¹ I txhuko kuva ni sa sidotho sa kuoma na ku di ni litsako, kupinda nyumba yo tala ngu sakudya sa sinene, ku di ni mazunga.

² Txithumi txo txhariha txi na kawuka mwanana wo hundeka, se txi na abana thomba ni vanawe va mwanana.

³ Nyundo njo xola silivhela, se mndilo mbwo xola nzalama; kambe Mkoma a xola timbilu.

⁴ M'thu wo biha a engisela ta txisofu txo wekela; nyamakuhu a weketela nzeve yakwe ka lidimi lo hinda.

⁵ Awule a sekako txisiwana a ruka wule a nga txi vanga; awule a tsakiswako ngu phango kha na mbi huluka kutsayiswa.

⁶ M'bhoti wa vo kumba ngu kuwona vanana va vanana vawe; se wudhundo wa vanana ngu vatate vawe.

⁷ Kuwombawomba kakunene kha ku dingani txiphukuphuku; ngutu-ngutu ka mwanana wa mfumeli kha na kuwombawomba makuhu!

⁸ Txiningo dirigwi da lisima ka vale va txi amukelako; ni hayi ayako kona txi na m'vhuna.

⁹ Awule a sisako wubihi a xota wungana, kambe wule a wusetako mhaka, wa abanisa vale va ku ni wungana wa hombe.

¹⁰ Silayelo sa wulela kha kwati ka m'thu wo pfisisa, kupinda ka txiphukuphuku txo mbi kwapwa.

¹¹ M'thu wu i ku wa mazunga a lavetetela to biha; ngu kumaha keto, ku na rumelwa mtumi wo karata kwakwe.

¹² I txhuko kumanana ni txibanda txo honyolwa vanana, kupinda kumanana ni txiphukuphuku amu ka wuphukuphuku wa txona.

¹³ Se ka wule a dihelako wunene ngu wubihi, wubihiwo kha wu na mbi va kule ni nyumba yakwe.

¹⁴ Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

¹⁵ Awule a emelako m'thu wo biha, ni wule a sungako m'thu wo lulama, ngu wumbidi wawe nzinyenyeko ka Mkoma.

¹⁶ Ina txiphukuphuku txi nga vhuneka ngu kuxava wutxhari ngu male, na kuve txona kha txi nga ni mapimo kani?

¹⁷ Randa mngana wako yotshe mbimo, se ngu mbimo ya xomulo a na va mwananu.

¹⁸ M'thu wo pwata mapimo wa ti thembisela, a txi zama ku ti maha wo dihela minandu ya mngana wakwe.

¹⁹ Awule a dhundako mazunga a randa txionho; ni wule a guletako txike txakwe, a na wa ti si karati.

²⁰ Awule a ku ni mbilu yo biha, kha na mbi dhuka e mana wunene; se ni wule a ku ni lidimi la wuviyaku, a na wa kubihani.

²¹ Mwanana wule i ku txiphukuphuku, a dyisa mbiti tate wakwe, se tate wa wule wo mbi pfisisa, kha nga ni litsako.

²² Mbilu yo tsaka mrende wa wunene, kambe moya wo funyeka wa omisa marambu.

²³ M'thu wo biha wa tumela kuxavwa txihunjani, kuva a txi na sanula ditshuri da wululamo.

²⁴ Wutxhari i tshungameto ya wule a ku ni mapimo, aniko maso a m'thu wo mbi pfisisa ma hoka magwito ka mafu.

²⁵ Mwanana wo mbi pfisisa, njikhuvekiso ka tate wakwe, ni tshiku ka wule a nga m'veleka.

²⁶ Hi nga ta tinene kutsayisa m'thu wo lulama; ngu lwa ni otshe madingano, kupeka m'thu wo lulama.

²⁷ Awule a vekisako mapswi a ni wuzivi, se a wule wa moya wo ziza m'thu wa mapimo.

²⁸ Hambi txiphukuphuku txi nga nga txhari, ni mapimo, ngako txi txi malala.