Masalmo 61 - Bhiblia Yo Sawuleka

Kutsana masoni ka Txizimu

Ngu ka Dhavhidha. Ka mthangeli wa vaembeleli - Ngu siya so embelela ngu tingoti.

¹ Engisa huwa yangu, awe Txizimu, u amukela txikhongelo txangu!

² Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

³ Awe u wuthavelo wangu kambe u txitezi txo tsana, atxi txi ni hulukisako ka mlala!

⁴ Ni lava kuhanyela nyumbani kwako, yotshe mbimo, ni vhikelwa hahatshi ka mabhapi ako.

⁵ Awe koko Txizimu, u engisile sixambanyo sangu u amukete txikombelo txa vale va ku dhumisako.

⁶ U na laphisa masiku a kuhanya ka mfumeli; se malembe akwe ma nga a tiveleko tatingi.

⁷ Ene a na va masoni ka Txizimu kala kupinduka. Lirando lako ni kululama si na mxayise.

⁸ Ngu toneto, ni na embelela masalmo ka ditina dako ngu ha ku si gwitiko, kasi kutatisa sixambanyo sangu ditshiku ni ditshiku.