Masalmo 54 - Bhiblia Yo Sawuleka

Mkombelo wo kombela kuvhunwa ngu Txizimu

Txithokozelo txa Dhavhidha. Ka mthangeli wa vaembeleli - ngu sitende sa tingoti. Txi nga bhalwa ngu Dhavhidha, mbimo yile vazumbi va didhoropa da Zifi, va nga ya gela Sawule taku Dhavhidha a sisate ditikoni kwawe.

¹ Ni hanyise, awe Txizimu! Kulisa ditina dako! Komba mtamo wako, u txi ni lamulela!

² Awe Txizimu, engisa mkombelo wangu; riya nzeve u txi engisa mapswi angu!

³ Vanyamtangumo va ta, ve ta ni vhuka; vathu va tshofu va lava ku ni daya, va si khatali ngu Txizimu.

⁴ Aniko Txizimu i mwemeli wangu; Mkoma ngene a ni ningako wutomi.

⁵ Maha ti to kubiha ku txi wa txitimwi ka vale va ni xanisako. Va fuvise awe, Mkoma, ngu mtamo wa ditshuri dako.

⁶ Ani ni na ninga miphaxo ngu kuranda kwangu; ni na dhumisa ditina dako, Mkoma, nguko awe u wamnene,

⁷ nguko u ni hulukisisile kuxanisekani kwangu; se maso angu ma wonile kuxulwa ka valala vangu.