Masalmo 149 - Bhiblia Yo Sawuleka

Ndando ya kudhumisa

¹ Dhumisani Mkoma! Embelelani ka Mkoma ndando ya yiphya; m'dhumiseni msengeletanoni ka vasawuleki vakwe.

² Israyeli a na tsakele Muvangi wakwe; vathu va Siyoni va na tsakele mfumeli wawe!

³ Va na dhumise ditina dakwe ngu kusinya; va na embelele va txi veta sitende ni tingoma!

⁴ Mkoma a tsakiswa ngu vathu vakwe; wa guleta sisiwana ngu ku si ninga kuxula valala!

⁵ Makholwa ma na giye ngu kuxula ka Txizimu va na embelele ngu kutsaka wotshe wusiku!

⁶ Va na kulungele ngutu va txi dhumisa Txizimu, va di ñote matxhari o lotwa khe ni khe, manzani kwawe,

⁷ kasi kuphota ka vathu va matiko ni kutsayisa mifumo,

⁸ kasi kusunga vafumeli vawe ngu titxhini ni manganakana awe ngu makhodha a tisimbi;

⁹ kasi kulamula vamatiko madingano ni ti ti nga bhalelwa vona awuwa ngu wona wudhundo wa vasawuleki va Txizimu. Dhumisani Mkoma!