Masalmo 129 - Bhiblia Yo Sawuleka

Va xaniswa, aniko kha va xulwi

Ndando ya vapfhumba

¹ Sikhati sasingi va ni xanisile kukhukhela ka wuphya wangu a na wombe konkuwa Israyeli.

² Sikhati sasingi va ni xanisile kukhukhela ka wuphya wangu, aniko kha va sikota ku ni xula.

³ Va ni bhandisete msana wangu, wu txi nga thembwe yi nga dimwa ngu vadimi.

⁴ Aniko Mkoma i ku wo lulama, a bhenulete majoke a vabihi.

⁵ Va na tale ngu tingana ve hingwa votshe valala va Siyoni!

⁶ Va na fanane ni mwasi wo mila txitimwi ka nyumba, awu wu wunako, wu sinzi kudulwa,

⁷ awu wu si tatiko manza a wule a wu dulako, hambi mawoko a vale va sungako tinyanda;

⁸ kuwalo mpindi wa nzila a ku khene: “Makatekwa a Mkoma ma nave txitimwi kwanu! Athu ha mi katekisa ngu ditina da Mkoma!”