Masalmo 127 - Bhiblia Yo Sawuleka

Mwaya wo katekiswa ngu Txizimu

Ndando ya vapfhumba. Ndando ya Solomoni

¹ Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

² Kha ti mi vhuni txilo kuphindula ni mixo ngutu, mi txi pila mi txi thuma kala hagari ka wusiku, kufela kudya mihando ya mnyuko wanu, na kasi Txizimu, ka vale txi va randako, txa va ninga soneso, hambi va di otete.

³ Vanana i thomba ya kuningwa ngu Mkoma Txizimu, liveleko i kateko ya ditshuri.

⁴ Vanana vo velekwa wujahani kwathu va fana ni tingove ti ti ku manzani ka ndena.

⁵ A katekile m'thu wu a nga tata msava ngu tingove toneto! Kha na mbi wiswa tingana ngako a txi ti angulela, ni valala vakwe masoni ka valamuli ha phangoni.