Masalmo 126 - Bhiblia Yo Sawuleka

Mkombelo wa kulava kuhumelela

Ndando ya vapfhumba

¹ Mbimo yi Mkoma a nga wuyisa vanana va Siyoni, ngu kupayulwani i ti ku nga ho lora.

² Txisofu txathu txi to tala ngu maseko! Tidimi tathu ti thula tindando ta kutsaka; vamatiko va ti ti xamala va txi kha vona: “Mkoma a va mahete sidiwukiso sa hombe!”

³ Kunene, Mkoma a hi mahete sidiwukiso sa hombe, ngu toneto, hotshethu ha tsaka.

⁴ Mkoma, hindula wukhumbi wathu wu txi maha litsako, kufana ni mati a nzuma ma nonisako txiwula txa Negebhe.

⁵ Avale va phayako va txi dila mirongo va na elula ngu kutsaka.

⁶ Va tsute va txi dila kuya phaya mbewu, aniko va na wuya va txi embelela ngu kutsaka, na va di rwate tinyanda tawe ta mitxelo.