Masalmo 125 - Bhiblia Yo Sawuleka

Kutsana ka vathu va Txizimu

Ndando ya vapfhumba

¹ Avale va thembako Mkoma va na nga mmango wa Siyoni, wu si dekadekiko, wu tsani kala kupinduka.

² Kufana ni mimango yi randelako Jerusalema, ngu toneto Mkoma a randete vathu vakwe, konkuwa ni yotshe mbimo.

³ Avale va mahako to biha kha va na mbi fuma kala kupinduka ditikoni ka vathu vo lulama, kasiku valulami va si kurumetwi kumaha kubiha.

⁴ Mkoma, katekisa vale va mahako ta tinene ni vale va timbilu ta kululama.

⁵ Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!