Masalmo 11 - Bhiblia Yo Sawuleka

Kuthemba Mkoma

Dhavhidha. Ka mthangeli wa vaembeleli.

¹ Ani ni themba ka Mkoma. “Mi wombisa kutxani koko ka mdihika dangu mi txi khanu: Thavela mmangoni kwako kufana ni txinyana, kani?”

² Wonani vathu vo biha va ku nga malaho awe va txi kotokela tingove tawe ahawa ka lisinga, ti taku, va di sisate, ve khwinza tingove tawe, ve fula avale va ku ni mapimo o lulama.

³ Ngako makhato ma di khundumusilwe, nji txani a no txi maha m'thu wo lulama kani?

⁴ Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

⁵ Mkoma wa duka m'thu wo lulama ni wa kubiha, ene wa nyenya avale va dhundako wurena.

⁶ Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

⁷ Kha ditshuri, Mkoma a lulamile, kambe a randa kululama. Vathu vo lulama va na ya wona khohe yakwe.