Hoseya 3 - Bhiblia Yo Sawuleka

Hoseya ni wamsikati wa digelegele

¹ Se Mkoma a to khene kwangu: Tsula kambe, u ya randa wamsikati, digelegele da mngana wako, dile i ku txigango, kufana ni Mkoma a randako vanana va ka Israyeli, hambiko vona va rendekelako ka simwani sizimu, va randako simbwanda sa mauvha.

² Se ni to ti xavela ene ngu siya sa digumi ni mtxhanu sa silivhela, ni omeri yimweyo ya sevhadha, ni hafu ya omeri ya sevhadha;

³ se ni txi khani kwakwe: Awe u na zumba ni nani masiku o tala; khu na mbi geleza, kambe khu na mbi lumba mmwani wamwamna; ngu kumaha keto, ani nani ni la kuva toneto kwako.

⁴ Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

⁵ Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.