1 Makronika 8 - Bhiblia Yo Sawuleka

Tiveleko ta ka Bhenjamini

¹ Se Bhenjamini a to veleka Bhela, matiwula akwe, wa wumbidi i Asibheli, wa wuraru i Ahara,

² wa wumune i Nowa, wa wutxhanu i Rafa,

³ se Bhela a to veleka vanana vava: Adhari, ni Gera, ni Abhiyudhe,

⁴ ni Abhisuwa, ni Nahanani, ni Ahowa,

⁵ ni Gera, ni Sefufani, ni Huramu.

⁶ Se vanana va Ewudhi, vale i nga ti vathangeli va vatate va va ka Gebha, ni vale va nga yiswa Manahati;

⁷ Nahanani, ni Ayasi, ni Gera; avava va ti ti thangelwa ngu Gera, se Gera a to veleka Uza ni Ayudhi.

⁸ Se Saharayime (msana ka kuva a di lekile vasikati vakwe Husime ni Bhahara), a to ya veleka vanana ditikoni ka Mowabhi.

⁹ Se ka Hodhesi, msikati wakwe, a to veleka vanana vava: Jobhabhi, ni Zibhiya, ni Mesa, ni Malikani,

¹⁰ ni Jewu, ni Sakiya, ni Mirima; avava mbanana vakwe, vathangeli va tinyumba ta vatate.

¹¹ Ka Husimi a to veleka Abhitubhi, ni Elipahali.

¹² Se vanana va Elipahali ngu vava: Hebheri, ni Misani, ni Semedhe; awuwa a to aka Ono, ni Lodhe, ni makhalo ale a nga ti ma fumela.

Tiveleko ta ka Bhenjamini kona Gati ni Ayijaloni

¹³ Se Bheriya ni Sema, i ti vathangeli va tinyumba ta vatate, vazumbi va Ayijaloni; kambe va to tutumisa va zumbi va Gati.

¹⁴ Se Ayo, ni Sasaki, ni Jerimoti,

¹⁵ ni Zebhadhiya, ni Aradhi, ni Edheri,

¹⁶ ni Mikayeli, ni Isipa, ni Jowa, i ti vanana va Bheriya.

Tiveleko ta ka Bhenjamini kona Jerusalema

¹⁷ Se Zebhadhiya, ni Mesulami, ni Hiziki, ni Hebheri,

¹⁸ ni Isimerayi, ni Iziliya, ni Jobhabhi, vanana va Elipahali.

¹⁹ Ni Jakimi ni Zikiri, ni Zabhedhi,

²⁰ ni Eliyenayi, ni Ziletayi, ni Eliyeli,

²¹ ni Adhaya, ni Bheraya, ni Sinirati, vanana va Simeyi.

²² Ni Isipani, ni Ebheri, ni Eliyeli,

²³ ni Abhidhoni, ni Zikiri, ni Hanani,

²⁴ ni Hananiya, ni Elame, ni Anatotiya,

²⁵ ni Ifidheya, ni Penuweli, vanana va Sasaki.

²⁶ Se Saniserayi, ni Seyariya, ni Ataliya,

²⁷ ni Jahareziya, ni Eliya, ni Zikiri, vanana va Jerowami.

²⁸ Avava i ti vathangeli va tinyumba ta vatate, madingano ni tiveleko ta kona, kambe va toya aka kona Jerusalema.

Tiveleko ta ka Bhenjamini kona Gibheyoni ni Jerusalema

²⁹ Se kona Gibheyoni ku to aka tate wa Gibheyoni; aniko ditina da msikati wakwe i ti Mahaka,

³⁰ mwanakwe wa matiwula i ti Abhidhoni, kulondeta Zuri, ni Kisi, ni Bhahali, ni Nadhabhi,

³¹ ni Gedhori, ni Ayo, ni Zekeri.

³² Se Mikiloti, a to veleka Simeya, kambe vona, masoni ka vanawe, va to zumba Jerusalema kumweko ni vanawe.

Mwaya wa mfumeli Sawule

³³ Se Neri a to veleka Kisi, Kisi a to veleka Sawule; kambe Sawule a to veleka Jonatani, ni Malikisuwa, ni Abhinadhabhi, ni Esibhahali.

³⁴ Se mwanana wa Jonatani i Meribhi-Bhahali; Meribhi-Bhahali a to veleka Mika.

³⁵ Se vanana va Mika ngu vava: Pitoni, ni Meleki, ni Tareya, ni Akazi.

³⁶ Se Akazi a to veleka Jeyohadha, se Jeyohadha a to veleka Alemeti, ni Azimavhete, ni Ziniri; Ziniri a to veleka Mosa.

³⁷ Mosa a to veleka Bhineya, awule a nga veleka Rafa, Rafa a nga veleka Eleyasa, a nga veleka Azeli.

³⁸ Se Azeli a to veleka mtxhanu wa vanana ni mmweyo, i ku vava: Azirikamu, ni Bhokiru, ni Ismayeli, ni Seyariya, ni Obhadhiya, ni Hanani, votshe vava i ti vanana va Azeli.

³⁹ Se vanana va Eseki, mwanawe, ngu vava: Ulami, matiwula akwe, wa wumbidi i Jewu, wa wuraru i Elifeleti.

⁴⁰ Se vanana va Ulami i ti vavamna va tindena, va mtamo, vafuli va wulaho; va to veleka vanana votala, se vatukulu vawe i ti 150 wa vona; votshe vava i ti vanana va ka Bhenjamini.