Jenɛɛsë 36 - Kuö Dëdrä Jenɛɛsë Rutë

ESAUA 'JÜA 'JÜA WII Esau kʋa' Edɔmëa 'blɩ ‑gälɩ

¹ ‑Jää 'sɩ Esaua 'jüa 'jüa wii nʋa' ‑sisidɛɛ. 'Ɔa 'nyrɩ bä bɩa Edɔmë.

² Esaulɔ nɩ, Kanaan 'yörüa ‑tɔrʋpɩɔ 'ɔ 'ba 'ɔa 'ŋlëgë. 'Üü bä: Adaa, Itinyɔɔ Elɔɔn a 'ŋlëkayria; nyra Olibamaa, Anaa 'ŋlëkayria 'ɔnya bä bɩa Iviitënyɔɔ Sibeɔɔn a 'jʋa 'ŋlëkayria,

³ nyra Basematë, Nebayiotëa ‑wladia, Isëmaɛɛlëa 'ŋlëkayria.

⁴ Adaa nya ‑gu Elifasë, 'ɔnya ‑nyɩ Esau; Basematë nya ‑gu Wluɛlë;

⁵ Olibama nya ‑gu Jewusë, Jalamë nyra Kora. 'A Esaua nyɩbɛjülü 'ɔ ‑glooroa' Kanaan a 'blɩ ‑gälɩ.

⁶ Esau mia' 'blɩ ‑mɩdoo ‑gälɩ mi nɩ, 'ɔ fa 'ɔa 'ŋlëgë, 'ɔa nyɩbejü, 'ɔa 'ŋlëkayörü, 'ɔa nyüü ‑mülüa 'fɩɔ, 'ɔa mlaa, 'ɔa bruu, nyra 'ɔa käkädiili kä 'fɩɔlʋ 'ɔ 'järäa' Kanaan a 'blɩ ‑gälɩ. 'Ɔnya tʋŋlɔa' 'lɩ 'ɔa ‑wlajʋ Jakɔɔbë dɛrɩ.

⁷ 'Üa käkädiia ‑sümlökʋa ‑gʋ 'ünyɩ 'lɩ ‑a bɩa ü kʋ ‑pɩɔ 'doo 'wʋ. ‑Tʋtʋlʋ kä ‑gälɩ 'ü bäa' nyɔtugbanyüü nɩ, 'unyɩ 'üün mlɩ ‑a bɩa, 'üa mlaaa ‑sümlökʋa ‑gʋ.

⁸ Esau nya mi Seirëa 'dʋgbëa 'mlɩ kʋ. Esau 'ü 'dara bɩa Edɔmë.

Esaua 'jüa 'jü

⁹ ‑Jäsɩ Esaua 'jüa 'jüa wii nʋa' ‑sisidɛɛ. Esau bä Edɔmëa ‑glügböa tʋ; 'ü ma bä käa' Seirëa 'dʋgbëa 'mlɩ.

¹⁰ ‑Jää Esaua nyɩbɛjüa 'nyrɩ: Esaua 'ŋlʋʋ Adaa nyɩbɛjʋ Elifasë, Esaua 'ŋlʋʋ Basematëa nyɩbɛjʋ Wluɛlë.

¹¹ ‑Jää Elifasëa 'jü: Temaa, Omaa, Sɛfo, Gatamë, nyra Kenasë.

¹² Timuna bä Esaua 'jʋ Elifasëa ‑geeiŋlʋʋ, 'ɔɔ ‑gu Elifasëa 'jʋ Amalɛkë. 'Üü bä Esaua 'ŋlʋʋ Adaa nyɩbɛjü.

¹³ ‑Jää Wluɛlëa nyɩbɛjü: Nakatë, Sera, Samaa, nyra Misaa. 'Üü bä Esaua 'ŋlʋʋ Basematëa nyɩbɛjü.

¹⁴ ‑Jää Esaua 'ŋlʋʋ Olibama, Anaa 'ŋlëkayria, ɔ bäa' bɩa Ifënyɔɔ Sibeɔɔn a 'jʋa 'ŋlëkayria, ‑jää 'ɔa nyɩbɛjü. 'Ɔɔ ‑nyɩ Esaua nyɩbɛjü: Jewusë, Jalamë nyra Kora.

¹⁵ ‑Jää Esaua 'jüa 'jüa ‑glügbüa 'cifua 'nyrɩ. ‑Jää Esaua ‑kätɩjʋ Elifasëa 'jülü bäa' 'cifu, ‑jää 'üa 'nyrɩ: 'cifi Temaa, 'cifi Omaa, 'cifi Sɛfo, ‑glügböa 'cifi Kenasë,

¹⁶ 'cifi Kora, 'cifi Gatamë, 'cifi Amalɛkë. 'Üü bä Elifasëa 'cifu, Edɔmëa 'blɩ ‑gälɩ. 'Abɩa Adaa 'jü.

¹⁷ ‑Jää Esaua nyɩbɛjʋ Wluɛlëa 'jüa 'nyrɩ: 'cifi Nakatë, 'cifi Sera, 'cifi Samaa, 'cifi Misaa. 'Üü bä 'cifulü Wluɛlë ‑gua' Edɔmëa 'blɩ ‑gälɩ. 'Abɩa Esaua 'ŋlʋʋ Basematëa nyɩbɛjü.

¹⁸ ‑Jää Esaua 'ŋlʋʋ Olibamaa nyɩbɛjüa 'nyrɩ: 'cifi Jewusë, 'cifi Jalamë, 'cifi Kora. 'Üü bä Anaa 'ŋlëkayriajʋ Olibama, Esaua 'ŋlʋʋa ‑glügbüa 'cifu.

¹⁹ 'A Esaua nyɩbɛjüa ‑glügbüa 'cifu. Esau 'ü dara bɩa Edɔmë.

²⁰ ‑Jää Oritënyɔɔ Seirëa nyɩbɛjülü ‑kätɩ bä käa' 'blɩlɩa 'mlɩ: Dotan, Sobalë, Sibeɔɔn, Ana,

²¹ Disɔn, Ɛsɛ, nyra Disan. 'A 'üü bä Oritënyüüa ‑glügbüa 'cifu; 'ü bä Seirëa nyɩbɛjü Edɔmëa 'blɩ ‑gälɩ.

²² ‑Jää Dotan a nyɩbɛjüa 'nyrɩ: Ori nyra Emamë. Dotan a ‑wladia bä Timuna.

²³ ‑Jää Sobalëa nyɩbɛjüa 'nyrɩ: Alefan, Manakatë, Ebalë, Sefo, nyra Onamë.

²⁴ ‑Jää Sibeɔɔn a nyɩbɛjüa 'nyrɩ: Aya nyra Ana. 'A Analɔ ‑gbɛkäa 'nɩ fumölua sɔrɔfa ‑gälɩ ‑aaga 'lɩ 'taɩnlɩ kä 'mlɩ 'ɔ fala käa' 'ɔa tʋ Sibeɔɔn a ‑sɩbru 'ümäa' dɛɛ ji.

²⁵ ‑Jää Ana a 'jüa 'nyrɩ: nyɩbɛjʋ Disɔn nyra 'ŋlëkayria Olibama.

²⁶ ‑Jää Disɔn a nyɩbɛjüa 'nyrɩ: Ɛmodan, Ɛsɛban, Italan, nyra Keran.

²⁷ ‑Jää Ɛsɛa nyɩbɛjüa 'nyrɩ: Bilian, Safaan, nyra Akan.

²⁸ ‑Jää Disan a 'jüa 'nyrɩ: Usë nyra Aran.

²⁹ ‑Jää Oritënyüüa ‑glügbüa 'cifua 'nyrɩ: 'cifi Dotan, 'cifi Sobalë, 'cifi Sibeɔɔn, 'cifi Ana,

³⁰ 'cifi Disɔn, 'cifi Ɛsɛ, 'cifi Disan. 'A Oritënyüüa ‑glügbüa 'cifu. 'A 'üa ‑glügböa 'cifulü 'ü 'järäa' Seirëa 'blɩ ‑gälɩ.

³¹ ‑Jää 'Kɩɩɩlü ‑kätɩ 'kamaa' Edɔmëa ‑tʋtʋ ‑gälɩ 'fɩɔwʋ, ‑bɛ 'kɩɩ ‑moloo 'mäa' Israɛɛlë 'kama nɩ, ‑jää 'üa 'nyrɩ:

³² Beoa nyɩbɛjʋ Bela 'ɔɔ 'kama Edɔmë; 'ɔa bätäa 'nyrɩ bä Dinaba.

³³ Bela jäa' nɩ, Sɛraa nyɩbɛjʋ Yobabë 'prɛrɛ 'ɔa ‑pi 'lɩ. Bosirabätäa nyɔɔ 'ɔ bä.

³⁴ Yobabë jäa' nɩ, Usamë 'prɛrɛ 'ɔa ‑pi 'lɩ. Temaanyüü a ‑tʋtʋ ‑gälɩa nyɔɔ 'ɔ bä.

³⁵ Usamë jäa' nɩ, Bedadëa nyɩbɛjʋ Adadë 'prɛrɛ 'ɔa ‑pi 'lɩ. 'A 'ɔɔ du Madianyüü Moabëa ‑tʋtʋ ‑gälɩ. 'Ɔa bätäa 'nyrɩ bä Afitë.

³⁶ Adadë jäa' nɩ, Samla 'prɛrɛ 'ɔa ‑pi 'lɩ. Masrekabätäa nyɔɔ 'ɔ bä.

³⁷ Samla jäa' nɩ, Saulë 'prɛrɛ 'ɔa ‑pi 'lɩ. Reobutëbätälä bäa' 'nie ‑gba 'äa nyɔɔ 'ɔ bä.

³⁸ Saulë jäa' nɩ, Akebɔa nyɩbɛjʋ Balë Ana 'prɛrɛ 'ɔa ‑pi 'lɩ.

³⁹ Akebɔa nyɩbɛjʋ Balë Ana jäa' nɩ, Adarë 'prɛrɛ 'ɔa ‑pi 'lɩ. 'Ɔa bätäa 'nyrɩ bä Pau. 'Ɔa 'ŋlʋʋa 'nyrɩ bä Metabɛɛlë; Matrɛdëa 'ŋlëkayria 'ɔ bä Mesaabëa 'ŋlëkayriaa 'jʋa 'jʋ.

⁴⁰ ‑Jää Esaua 'cifua 'nyrɩ, 'sɩrɩ 'ü sɔsɔa' ‑glügbü 'doo 'lɩ, 'sɩrɩ 'ü sɔsɔa' ‑tʋtʋ 'doo ‑gälɩ: 'cifi Timuna, 'cifi Alëfaa, 'cifi Jetetë,

⁴¹ 'cifi Olibama, 'cifi Ela, 'cifi Pinɔɔ,

⁴² 'cifi Kenasë, 'cifi Temaa, 'cifi Mibesa,

⁴³ 'cifi Makadiɛlë, nyra 'cifi Iramë. 'A Edɔmëa ‑glügböa 'cifu, 'sɩrɩ 'üa ‑tʋtʋ 'totroa' 'klɩ 'üa 'blɩa 'mlɩ. Esaulɔ nɩ, 'ɔɔ bä Edɔmënyüüa tʋa tʋ.