Luke 19 - Wester Boswell Scripture Selections 1874

ZACCHӔUS (Luke xix. 1—6.)

¹ Ta Jesus viás adré ta ghiás adrál Jericho.

² Ta dordi sas odoi a Moosh, Iesko nav Zacchæus. Yov sas a shorokono Moosh, ta barvalo sas-ló.

³ Ta yov kedás o feterdair te dik Jesus kon yov sas, ta nastís kel ajaw. A bito moosh sas yov.

⁴ Ta yov nashedás ta ghiás opré adré a rook te dik lesti, for yov sas te peer talé dova drorn.

⁵ And kanna Jesus viás kater tan, yov diktás opré ta diktás-les odoi, ta pendás lesti. “Zacchæus, kair yeka ta av talé, atchova ke-divvus kater teero kair.”

⁶ Yov kedás yeka, vias talé ta liás-les keré wi' tatcho zee.