NEHEMÍAS 10 - Wuj Pa K'ubultzij

¹ Yoj chi xojjuch'uw uwach i wuj, oj are iri: Yin, ma Nehemías, chi in uk'ojol ma Hacalías, chi aj-ok'al utzam i jalajuj taq tinimit; ma Sedequías,

² ma Seraías, ma Azarías, ma Jeremías,

³ ma Pasur, ma Amarías, ma Malquías,

⁴ ma Hatús, ma Sebanías, ma Maluc,

⁵ ma Harim, ma Meremot, ma Obadías,

⁶ ma Daniel, ma Ginetón, ma Baruc,

⁷ ma Mesulam, ma Abías, ma Mijamín,

⁸ ma Maazías, ma Bilgai xaq ma Semaías. Konojel ike le je ajsujul sipon.

⁹ I aj Leví je are iri: Ma Jesúa, chi uk'ojol ma Azanías, ma Binúi, chi umuq uxikin ma Henadad, xaq ma Cadmiel;

¹⁰ xaq i ratz ucha' chi je are iri: Ma Sebanías, ma Hodías, ma Kelita, ma Pelaías, ma Hanán,

¹¹ ma Micaía, ma Rehob, ma Hasabías,

¹² ma Zacur, ma Serebías, ma Sebanías,

¹³ ma Hodías, ma Bani xaq ma Beninu.

¹⁴ I je aj-atzil pa tinimit je are iri: Ma Paros, ma Pahat-moab, ma Elam, ma Zatu, ma Bani,

¹⁵ ma Buni, ma Azgad, ma Bebai,

¹⁶ ma Adonías, ma Bigvai, ma Adín,

¹⁷ ma Ater, ma Ezequías, ma Azur,

¹⁸ ma Hodías, ma Hasum, ma Bezai,

¹⁹ ma Harif, ma Anatot, ma Nebai,

²⁰ ma Magpías, ma Mesulam, ma Hezir,

²¹ ma Mesezabeel, ma Sadoc, ma Jadúa,

²² ma Pelatías, ma Hanán, ma Anaías,

²³ ma Oseas, ma Hananías, ma Hasub,

²⁴ ma Halohes, ma Pilha, ma Sobec,

²⁵ ma Rehum, ma Hasabna, ma Maasías,

²⁶ ma Ahías, ma Hanán, ma Anán,

²⁷ ma Maluc, ma Harim xaq ma Baana.

Jub'an chik anik chi o chuqul u'anik i tinimit ru' i Dios

²⁸ I jub'an chik lok'anij, ke'eloq, chi je are iri: I ajsujul sipon, aj Leví, ajchajinel re uxol taq uchija, ajb'ix, ajpatanib' prachoch i Dios, xaq konojel ni'pa xkijek' kib' ku' jub'an chik winaq re jun chik tinimit man kki'ano chrij pacha kub'ij u'atb'al tzij i Dios, junam ku' kixoqil, kak'al, kimi'al chi kkita chik ub'e,

²⁹ xkimol kib' ku' i kachalal xaq ku' i kaj-atzil, xaq xkib'ij chi kki'ano pacha kub'ij i utaqanik i Dios chi xuya i Ajwal che ma Moisés, xaq lik kki'an ronojel ni'pa kub'ij utzij upixab' xaq i atb'al tzij re i Ajwal.

³⁰ Rumali, chi kqaya ti chke qami'al chi kek'uli ku' kik'ojol i winaq re jub'an chik tinimit, xaq keje ile, chi kqak'ulb'a ti qak'ojol ku' kimi'al ike.

³¹ I winaq re jub'an chik tinimit, we kek'un qu' che i ij sábado chuk'ayixik jalajuj taq k'ayij xaq jalajuj taq ch'irajil, lik mijun chqe yoj kulo' taq kik'ay le. Mitene che i ij sábado le, xaq che jun chik nima'ij; xaq keje ile che uwuq junab' i ulew kuxlanik xaq kqakuy konojel ni'pa o kik'as qu'.

³² Xaq lik xqab'ij chi lik chqaqul o wi, chi junab' junab' kqaya pa nik'aj che i nik'aj ons saq-o'oj re qaqasan, re utojik i jalajuj taq rajwaxik prachoch i Ajwal Dios:

³³ Lo'b'al re i wa re trigo chi kjach chwach i Ajwal, i jalajuj taq ch'irajil chi kya' chila ij ij, i porom sipon chi ij ij ksujuxik, i sipon chi ksujux che i ij sábado, xaq are muqul i ik', xaq che jub'an chik nima'ij; xaq lo'b'al re jub'an chik sipon, porom sipon re riqb'al kuyb'al kimak aj Israel, xaq ronojel ni'pa kajwax che ukojik u'ij i qa-Dios prachoch.

³⁴ Xwi ta la ile, xaq i ajsujul sipon, aj Leví xaq konojel i winaq re i tinimit, chrij pacha qalk'uwal, xqa'an jun sakinik chqawach pachin kuk'am b'i i si' junab' junab' prachoch i qa-Dios chrij pacha i ij chi ch'iktalik, man keje ile kporox puwi i sujb'al sipon re i Ajwal chrij pacha tz'ib'tal chupam i wuj re i atb'al tzij.

³⁵ Xaq xqab'ij chi junab' junab', kqak'am b'i i nab'e taq uwach i tikon chi kuya ulew xaq nab'e taq uwach i che' re echa' prachoch i Ajwal,

³⁶ xaq kqak'am b'i prachoch i Ajwal Dios, i nab'e taq qak'al xaq nab'e taq kak'al qachikop, qachij, chila chkiwach ajsujul sipon chi kki'an kipatan prachoch i Ajwal, chrij pacha tz'ib'tal chupam i wuj re i atb'al tzij.

³⁷ Xaq xqayijb'a chqawach chi kqak'am b'i pa k'olb'al re i rachoch i qa-Dios i nab'e taq jok'om trigo, nab'e taq echa' re jalajuj taq che', nab'e taq uwa'al uva muqb'am xaq nab'e taq aceite, ile are qaqasan chke ajsujul sipon, xaq kqak'am b'i lajuj che i jo'winaq (100) re uwach i qatikon chke aj Leví, man ile are ike kek'amawik are kqa'an i molonik chwach qulew.

³⁸ I aj Leví are ke'e chuk'amik i lajuj che i jo'winaq (100) chi kya' chke, keachnimax b'i rumal jun ajsujul sipon chi umuq uxikin ma Aarón. Te'uri aj Leví kkik'am nu b'i lajuj che jo'winaq (100) che ni'pa xya' chke ike, pa k'olb'al re i rachoch i qa-Dios,

³⁹ man are aj Israel xaq aj Leví kek'amaw b'i qasan re trigo, uwa'al uva muqb'am xaq aceite pa k'olb'al re i rachoch qa-Dios ipa o wi jalajuj taq chapanb'al chi o u'ij, i ajsujul sipon ike je o chu'anik kipatan, ajchajinel re uxol taq uchija, xaq ajb'ix. Xaq xqab'ij chi kqo'taj ti rachoch i qa-Dios.