Sòm 87 - 1998 Haïtienne

SÒM 87 (86) Jerizalèm se pou nou tout

(1a) Se yon sòm pitit Kore yo. Se yon chante li ye.

¹ (1b) Bondye bati lavil li a sou mòn ki apa pou li a!

² Li renmen lavil Jerizalèm pi plis pase tout lòt kote nan peyi Jakòb la.

³ Ou menm, lavil Bondye a, tande bèl bagay y'ap di sou ou:

⁴ Lè m'ap nonmen non moun k'ap sèvi m yo, m'ap mete moun peyi Lejip, moun peyi Babilòn sou lis la. Moun peyi Filisti, moun peyi Tir ak moun peyi Etyopi, se Jerizalèm yo fèt.

⁵ Lè moun ap pale sou mòn Siyon an yo di: Yo rele l manman, paske se la yo tout fèt. Se Bondye anwo nan syèl la ki mete l kanpe.

⁶ Senyè a fè lis tout pèp yo, li fè yo tout pase pou moun lavil Jerizalèm.

⁷ Moun k'ap chante yo ansanm ak moun k'ap danse yo ap repete byen fò: Se ou menm ki manman nou tout.