Sòm 54 - 1998 Haïtienne

SÒM 54 (53) Lapriyè pou mande sekou

(2) te ekri lè moun peyi Zif yo te al di Sayil men David kache lakay yo.

¹ (3) Bondye, delivre m non avèk pouvwa ou! Fè m jistis avèk fòs kouray ou!

² (4) Bondye, koute m non lè m'ap lapriyè! Panche zòrèy ou pou tande pawòl k'ap sòti nan bouch mwen!

³ (5) Paske gen yon seri moun awogan ki leve dèyè m, yon bann mechan ki sòti pou touye m! Yo pa menm chonje si gen Bondye!

⁴ (6) Men, Bondye ap vin ede m. Senyè a ap pran defans mwen.

⁵ (7) L'ap fè mechanste moun ki pa vle wè m yo tonbe sou tèt yo; l'ap fini nèt ak yo paske l'ap toujou kenbe pawòl li.

⁶ (8) Senyè, m'a ofri bèt pou yo touye pou ou ak kè kontan, m'a fè lwanj ou, paske ou bon pou mwen.

⁷ (9) Ou delivre m anba tray mwen te ye a; ou fè m wè lènmi m yo pèdi batay la.