Sòm 47 - 1998 Haïtienne

SÒM 47 (46) Senyè a chèf tout latè

(1) Pou chèf sanba yo. Se yon sòm pitit Kore yo.

¹ (2) Nou tout pèp yo, bat bravo! Fè lwanj Senyè a! Rele ak kè kontan!

² (3) Paske, Senyè ki anwo nan syèl la, se moun ki pa nan jwèt, se moun pou nou pè. Se yon gwo wa k'ap gouvènen sou tout latè.

³ (4) Li fè nou donminen sou anpil pèp, li mete anpil nasyon sou zòd nou.

⁴ (5) Se li ki chwazi peyi kote n'ap viv la pou nou. Peyi sa a se yon lwanj pou pitit Jakòb li renmen anpil yo.

⁵ (6) Bondye ap mache moute, tout pèp la ap rele, y'ap kònen klewon sitèlman yo kontan.

⁶ (7) Chante pou Bondye, fè lwanj li! Wi, chante pou wa nou an, fè lwanj li!

⁷ (8) Paske, se Bondye ki wa sou tout latè. Chante yon chante espesyal pou li!

⁸ (9) Bondye donminen sou tout nasyon yo. Bondye chita sou fòtèy ki apa pou li a.

⁹ (10) Chèf lòt peyi yo mete tèt yo ansanm ak pèp Bondye Abraram lan, paske se Bondye ki gen tout zam pou defann pèp yo. L'ap donminen sou tout bagay.