Pwovèb 15:19 - Bib Sen An: Kreyòl Ayisyen

Wout a parese a se tankou yon ran pikan; men pa a moun dwat la se yon gran chemen.

1998 Haïtienne

Lè ou parese, ou wè pwoblèm toupatou. Men, pou moun ki pa pè travay, pa gen pwoblèm ki pou rete l.

Pwovèb 15:19 Referans Kwoze

Sòm 25:12

Kilès nonm nan ki gen krent SENYÈ a? Li va enstwi li nan chemen li ta dwe chwazi a.

Sòm 27:11

Enstwi mwen nan chemen Ou, O SENYÈ. Mennen m nan yon wout ki a nivo, akoz lènmi mwen yo.

Sòm 5:8

O SENYÈ, mennen m nan ladwati Ou akoz lènmi mwen yo. Fè chemen Ou dwat devan mwen.

Pwovèb 11:5

Ladwati a sila ki san tò a va fè wout li vin swa; men mechan an va tonbe akoz pwòp inikite pa Li.

Pwovèb 15:18

Yon nonm ki kolerik pwovoke konfli; men sila ki lan nan kòlè a kalme yon kont.

Pwovèb 15:20

Yon fis ki saj fè papa l kontan; men yon gason ensanse meprize manman l.

Pwovèb 22:13

Parese a di: “Gen yon lyon deyò a; m ap mouri nan lari!”

Pwovèb 22:5

Pikan ak pèlen se nan chemen a pèvès yo; sila ki veye nanm li, va rete lwen yo.

Pwovèb 26:13

Parese a di: “Gen yon lyon nan lari a! Yon lyon nan plas la!”

Pwovèb 3:6

Nan tout chemen ou yo rekonèt Li; konsa Li va fè pa ou yo vin dwat.

Pwovèb 6:6

Ale kote foumi, o parese. Veye abitid li yo e vin saj!

Pwovèb 8:9

Yo byen dwat pou sila ki konprann nan, e kòrèk pou sila ki jwenn konesans lan.

Ezayi 30:21

Nenpòt lè ou vire adwat oswa agoch, zorèy nou va tande yon pawòl dèyè nou: “Sa se chemen an, mache ladann”.

Ezayi 35:8

Yon gran chemen va la, yon gran ri. Li va rele Chemen Sen an. Sila ki pa pwòp p ap vwayaje sou li, men li va sèvi pou sila ki mache nan Chemen an. Moun mechan ak enpridan an pa p mache la.

Ezayi 57:14

Li va di: “Fè l monte, fè l monte, prepare chemen an! Retire obstak la ki nan wout pèp Mwen an.”