ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃
עזרא 8:22 - Masoretic Text 1524 כי בשׁתי לשׁאול מן המלך חיל ופרשׁים לעזרנו מאויב בדרך כי אמרנו למלך לאמר יד אלהינו על כל מבקשׁיו לטובה ועזו ואפו על כל עזביו׃ תנ"ך וברית חדשה בתרגום מודני כִּ֣י בֹ֗שְׁתִּי לִשְׁא֤וֹל מִן־הַמֶּ֨לֶךְ֙ חַ֣יִל וּפָרָשִׁ֔ים לְעָזְרֵ֥נוּ מֵאוֹיֵ֖ב בַּדָּ֑רֶךְ כִּֽי־אָמַ֨רְנוּ לַמֶּ֜לֶךְ לֵאמֹ֗ר יַד־אֱלֹהֵ֤ינוּ עַל־כָּל־מְבַקְשָׁיו֙ לְטוֹבָ֔ה וְעֻזּ֣וֹ וְאַפּ֔וֹ עַ֖ל כָּל־עֹזְבָֽיו׃ Westminster Leningrad Codex כִּ֣י בֹ֗שְׁתִּי לִשְׁא֤וֹל מִן־הַמֶּ֨לֶךְ֙ חַ֣יִל וּפָרָשִׁ֔ים לְעָזְרֵ֥נוּ מֵאוֹיֵ֖ב בַּדָּ֑רֶךְ כִּֽי־אָמַ֨רְנוּ לַמֶּ֜לֶךְ לֵאמֹ֗ר יַד־אֱלֹהֵ֤ינוּ עַל־כָּל־מְבַקְשָׁיו֙ לְטוֹבָ֔ה וְעֻזּ֣וֹ וְאַפּ֔וֹ עַ֖ל כָּל־עֹזְבָֽיו׃ תנ"ך וברית חדשה בתרגום דליטש כִּ֣י בֹ֗שְׁתִּי לִשְׁא֤וֹל מִן־הַמֶּ֨לֶךְ֙ חַ֣יִל וּפָרָשִׁ֔ים לְעָזְרֵ֥נוּ מֵאוֹיֵ֖ב בַּדָּ֑רֶךְ כִּֽי־אָמַ֨רְנוּ לַמֶּ֜לֶךְ לֵאמֹ֗ר יַד־אֱלֹהֵ֤ינוּ עַל־כָּל־מְבַקְשָׁיו֙ לְטוֹבָ֔ה וְעֻזּ֣וֹ וְאַפּ֔וֹ עַ֖ל כָּל־עֹזְבָֽיו׃ |
ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃
ויצא לפני אסא ויאמר לו שׁמעוני אסא וכל יהודה ובנימן יהוה עמכם בהיותכם עמו ואם תדרשׁהו ימצא לכם ואם תעזבהו יעזב אתכם׃
כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
ועלי הטה חסד לפני המלך ויועציו ולכל שׂרי המלך הגברים ואני התחזקתי כיד יהוה אלהי עלי ואקבצה מישׂראל ראשׁים לעלות עמי׃
הוא עזרא עלה מבבל והוא ספר מהיר בתורת משׁה אשׁר נתן יהוה אלהי ישׂראל ויתן לו המלך כיד יהוה אלהיו עליו כל בקשׁתו׃
כי באחד לחדשׁ הראשׁון הוא יסד המעלה מבבל ובאחד לחדשׁ החמישׁי בא אל ירושׁלם כיד אלהיו הטובה עליו׃
ונסעה מנהר אהוא בשׁנים עשׂר לחדשׁ הראשׁון ללכת ירושׁלם ויד אלהינו היתה עלינו ויצילנו מכף אויב ואורב על הדרך׃
כה אמרו כל עדת יהוה מה המעל הזה אשׁר מעלתם באלהי ישׂראל לשׁוב היום מאחרי יהוה בבנותכם לכם מזבח למרדכם היום ביהוה׃
בעברכם את ברית יהוה אלהיכם אשׁר צוה אתכם והלכתם ועבדתם אלהים אחרים והשׁתחויתם להם וחרה אף יהוה בכם ואבדתם מהרה מעל הארץ הטובה אשׁר נתן׃