ישעיה 26:4 - Masoretic Text 1524

בטחו ביהוה עדי עד כי ביה יהוה צור עולמים׃

תנ"ך וברית חדשה בתרגום מודני

בִּטְח֥וּ בַֽיהוָ֖ה עֲדֵי־עַ֑ד כִּ֚י בְּיָ֣הּ יְהוָ֔ה צ֖וּר עוֹלָמִֽים׃

Westminster Leningrad Codex

בִּטְח֥וּ בַֽיהוָ֖ה עֲדֵי־עַ֑ד כִּ֚י בְּיָ֣הּ יְהוָ֔ה צ֖וּר עוֹלָמִֽים׃

תנ"ך וברית חדשה בתרגום דליטש

בִּטְח֥וּ בַֽיהוָ֖ה עֲדֵי־עַ֑ד כִּ֚י בְּיָ֣הּ יְהוָ֔ה צ֖וּר עוֹלָמִֽים׃

ישעיה 26:4 הפניות הצלבה

דברי הימים ב 20:20

וישׁכימו בבקר ויצאו למדבר תקוע ובצאתם עמד יהושׁפט ויאמר שׁמעוני יהודה וישׁבי ירושׁלם האמינו ביהוה אלהיכם ותאמנו האמינו בנביאיו והצליחו׃

דברי הימים ב 32:8

עמו זרוע בשׂר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃

איוב 9:19

אם לכח אמיץ הנה ואם למשׁפט מי יועידני׃

תהלים 125:1

שׁיר המעלות הבטחים ביהוה כהר ציון לא ימוט לעולם ישׁב׃

תהלים 18:2

(18:3) יהוה סלעי ומצודתי ומפלטי אלי צורי אחסה בו מגני וקרן ישׁעי משׂגבי׃

תהלים 46:1

למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃

תהלים 55:22

(55:23) השׁלך על יהוה יהבך והוא יכלכלך לא יתן לעולם מוט לצדיק׃

תהלים 62:11

(62:12) אחת דבר אלהים שׁתים זו שׁמעתי כי עז לאלהים׃

תהלים 62:8

(62:9) בטחו בו בכל עת עם שׁפכו לפניו לבבכם אלהים מחסה לנו סלה׃

תהלים 62:9

(62:10) אך הבל בני אדם כזב בני אישׁ במאזנים לעלות המה מהבל יחד׃

תהלים 66:7

משׁל בגבורתו עולם עיניו בגוים תצפינה הסוררים אל ירימו למו סלה׃

תהלים 93:1

יהוה מלך גאות לבשׁ לבשׁ יהוה עז התאזר אף תכון תבל בל תמוט׃

ישעיה 12:2

הנה אל ישׁועתי אבטח ולא אפחד כי עזי וזמרת יה יהוה ויהי לי לישׁועה׃

ישעיה 17:10

כי שׁכחת אלהי ישׁעך וצור מעזך לא זכרת על כן תטעי נטעי נעמנים וזמרת זר תזרענו׃

ישעיה 30:29

השׁיר יהיה לכם כליל התקדשׁ חג ושׂמחת לבב כהולך בחליל לבוא בהר יהוה אל צור ישׂראל׃

ישעיה 32:2

והיה אישׁ כמחבא רוח וסתר זרם כפלגי מים בציון כצל סלע כבד בארץ עיפה׃

ישעיה 44:8

אל תפחדו ואל תרהו הלא מאז השׁמעתיך והגדתי ואתם עדי הישׁ אלוה מבלעדי ואין צור בל ידעתי׃

ישעיה 45:17

ישׂראל נושׁע ביהוה תשׁועת עולמים לא תבשׁו ולא תכלמו עד עולמי עד׃

ישעיה 45:24

אך ביהוה לי אמר צדקות ועז עדיו יבוא ויבשׁו כל הנחרים׃

ישעיה 50:10

מי בכם ירא יהוה שׁמע בקול עבדו אשׁר הלך חשׁכים ואין נגה לו יבטח בשׁם יהוה וישׁען באלהיו׃

ישעיה 51:5

קרוב צדקי יצא ישׁעי וזרעי עמים ישׁפטו אלי איים יקוו ואל זרעי ייחלון׃

ישעיה 63:1

מי זה בא מאדום חמוץ בגדים מבצרה זה הדור בלבושׁו צעה ברב כחו אני מדבר בצדקה רב להושׁיע׃

דניאל 3:17

הן איתי אלהנא די אנחנא פלחין יכל לשׁיזבותנא מן אתון נורא יקדתא ומן ידך מלכא ישׁיזב׃

דניאל 3:28

ענה נבוכדנצר ואמר בריך אלההון די שׁדרך מישׁך ועבד נגו די שׁלח מלאכה ושׁיזב לעבדוהי די התרחצו עלוהי ומלת מלכא שׁניו ויהבו גשׁמיהון די לא יפלחון ולא יסגדון לכל אלה להן לאלההון׃

דברים 32:15

וישׁמן ישׁרון ויבעט שׁמנת עבית כשׂית ויטשׁ אלוה עשׂהו וינבל צור ישׁעתו׃

דברים 32:4

הצור תמים פעלו כי כל דרכיו משׁפט אל אמונה ואין עול צדיק וישׁר הוא׃

דברים 33:27

מענה אלהי קדם ומתחת זרעת עולם ויגרשׁ מפניך אויב ויאמר השׁמד׃

שמואל א 2:2

אין קדושׁ כיהוה כי אין בלתך ואין צור כאלהינו׃