1 למנצח על הגתית מזמור לדוד׃ (8:2) יהוה אדנינו מה אדיר שׁמך בכל הארץ אשׁר תנה הודך על השׁמים׃ 2 (8:3) מפי עוללים וינקים יסדת עז למען צורריך להשׁבית אויב ומתנקם׃ 3 (8:4) כי אראה שׁמיך מעשׂי אצבעתיך ירח וכוכבים אשׁר כוננתה׃ 4 (8:5) מה אנושׁ כי תזכרנו ובן אדם כי תפקדנו׃ 5 (8:6) ותחסרהו מעט מאלהים וכבוד והדר תעטרהו׃ 6 (8:7) תמשׁילהו במעשׂי ידיך כל שׁתה תחת רגליו׃ 7 (8:8) צנה ואלפים כלם וגם בהמות שׂדי׃ 8 (8:9) צפור שׁמים ודגי הים עבר ארחות ימים׃ 9 (8:10) יהוה אדנינו מה אדיר שׁמך בכל הארץ׃ |