Nsumuinu 24:5 - MUKANDA WA MYIDI MUKULU

⁵ Meji a muntu ke bukole buende. Dimanya diende didi divudija bumfumu buende.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Muena meji udi mukole; muntu udi ne lungenyi udi uvudisha bukole buandi.

Nsumuinu 24:5 הפניות הצלבה

Misambu 84:7

Padibu bapitshila mu tshibandabanda tshiume, Mvidi Mukulu udi utshikudimuna, utshienza muaba mutalale wa mayi, nansha mvula mbedi udi utshibuikila ne majiba.

Nsumuinu 10:29

Maweja-Nangila udi tshieyemenu tshia bantu bakane, kadi udi ubutula badi benza bibi.

Nsumuinu 21:22

Muena meji udi mua kukuata tshimenga tshidi bilobu bilame. Udi mua kushimbula bimana biatshi bivua bena ditunga batekemena.

Nsumuinu 24:6

Udilongolole bimpe paudi uya kuluangana mvita. Ulonde meji a bungi adibu bakupesha bua wewe kutshimuna mvita.

Nsumuinu 8:14

Mudimu wanyi nkubela ne kudimujangana. Ndi lungenyi mene. Meme ke udi upeshangana bukole.

Muambi 7:19

Meji adi aludika bilenga udi nawu, bipite mudi balombodi dikumi mua kuludika tshimenga tshimue.

Yeshaya 36:5

Udi wela meji ne: paudi wakula ufuna mvita, udi upeta meji ne bukitu bua kuluangana anyi? Paudi muntombokele apu, uudi mutekemene bua akuambuluishe nnganyi?

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Kolose 1:11

Tudi tulomba kudi Mvidi Mukulu bua anukankamike ne bukole bua butumbi buende, bua numone mua kumvua malu onsu ne lutuulu.