Nsumuinu 22:9 - MUKANDA WA MYIDI MUKULU

⁹ Muntu udi wenzelangana bimpe, Mvidi Mukulu neamuele lupemba, bualu tshiende tshiakudia udi wabanyangana ne bapele.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Udi ufuila bakuabo luse neavudishibue disanka, bualu bua udi wabanyangana bia kudia biandi ne bahele.

Nsumuinu 22:9 הפניות הצלבה

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

1 Petro 4:9

Nuakidilangane mu nzubu yenu, kanuyi nusodia.

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

Luke 14:13

Kadi pawikala wenza didia dia tshibilu, ubikile bapele, balema, batebuki ne bampofu.

Yeshaya 32:8

Kadi muntu wa kalolu, udi wela meji amu a kalolu, udi ukumbaja kabidi malu a kalolu.

Nsumuinu 21:13

Muntu udi ubenga kuteleja lubila lua muena dikenga, nebabenge kuteleja kabidi luende diba didiye mu dikenga.

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Nsumuinu 11:25

Muntu udi wenzelangana bimpe, neapete diakalenga. Udi upa mukuabu tshiakunua, kakufua nyota.

Marke 7:22

buenji bua malu a bundu, lukuka, tshikisu, budimu, ditupa dia mikenji, lubabu lua bintu bia bende, bipendu, ditambisha ne dipanga dia lungenyi.

Matayi 20:15

Tshiena mua kuenza mundi musue ne nkanu yanyi anyi? Udi umvua lubabu, bualu ndi ne muoyi muimpe anyi?”

Dielulula 28:56

Diba adi, mukaji wa muoyi muimpe, wa kanemu, neenze mushindu wa momumue. Uvua mubanji, kavua musue kuenda nansha ku makasa. Kadi mpindiewu newoshe bayende ne bana badiye mushale nabu ba balume ne ba bakaji, disu dia lonji.

Nsumuinu 31:20

Udi wambuluisha bena dikenga, upa bapele ne muoyi wa kalolu.

Nsumuinu 11:17

Muena luse udi wenzela muoyi wende bimpe. Kadi muena tshikisu udi udienzela bibi nkayende.

Nsumuinu 11:27

Mvidi Mukulu udi wanyisha muntu udi wenza bimpe. Kadi diakabi didi dikuata udi wenza malu mabi.

Nsumuinu 14:21

Muntu udi upepeja mukuende udi wenza bibi. Kadi muntu udi wenzela mupele bimpe udi muena diakalenga.

Nsumuinu 28:24

Udi wiba bintu bia baledi bende, wamba ne: “Ki mbualu to,” mmuanabu ne muntu yonsu udi upawulangana bintu.

Nsumuinu 28:27

Muntu udi upa bapete bintu ne muoyi wa kalolu, kena upeta dikenga kuende to. Kadi udi kayi musue kutangila dikenga dia mupele, bantu bavule nebamutshipe.