Luke 11:8 - MUKANDA WA MYIDI MUKULU

⁸ Kadi meme ndi nnujadikila ne: nansha yeye kayi ujuka bua kumupeshawu, bualu mmulunda wende, kadi neajuke bua kumupesha bionsu bidiye ukengela, bualu mulunda wende udi unanukila ne dimulomba, kayi ufua bundu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ndi nuambila ne, Bulelela, yeye kena ubika bua kumuha tshintu bua yeye udi mulunda wandi, kadi bualu bua dinanukila diandi yeye neabike, neamuhe bintu bionso bidiye nʼabi bualu.

Luke 11:8 הפניות הצלבה

Genese 32:26

Muluishi awu umo na ne: Yakobe mmumpite bukole, kutuutaye Yakobe ku tshikundukundu, kutshikoyobola.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Rome 15:30

Kadi, bana hetu, ndi nnulomba ne: mu dina dia Mfumu wetu Yezu Kristu, ne ku bukole bua dinanga didi Mueyelu wa Tshijila utupa: luanganayi nanyi. Nutendelele, nundombele kudi Mvidi Mukulu.

Kolose 2:1

Ndi musue bua numanye mvita mikole indi nduangana bualu buenu, kabidi bua bena Lawodikiya, ne bua bantu bonsu badi kabayi banji kummanya.

2 Korente 12:8

Mvua mulombe Mfumu misangu isatu, bua angumushile dikenga edi.

Luke 11:7

Kadi mukuabu awu mu nzubu kumuandamuna ne: “Umfuile luse! Kumbelu nkukanga. Bana banyi ne meme tukadi bamane kulala. Tshiena ne mushindu wa kujuka, kukupesha mampa to.”

Balombodi 14:17

Mukaji wa Shimeshone uvua anu umutatshisha ne muadi matuku onsu muanda mutekete a tshibilu tshia dibaka. Dituku dia ndekelu, Shimeshone kumujinguluila muanu, bualu bikavua bimutonda. Ke mukaji kuambila bana babu dimujinguluila adi.

1 Samuele 1:12

Ane uvua utendelela musangu mule. Mutuangaji Eli uvua anu mumubambishe,