Nsumuinu 1:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Nuakulengulula lungenyi luonso lunakunulesha kabidi, kanuakadi basue kunyua kubela kuanyi.

MUKANDA WA MYIDI MUKULU

²⁵ Nudi nubenga mibelu yanyi yonsu. Nudi nulengulula bindi nnulongesha.

Nsumuinu 1:25 הפניות הצלבה

2 Kulondolola 33:10

Yehowa wakambila Manashe ne bantu bandi dî diandi; kadi bobo bakamuhetula.

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Misambu 107:11

bualu bua bakatombokela mei a Nzambi, bakalengulula lungenyi luakadi Mutambe Bunene wa mu diulu mubaleshe.

Misambu 81:11

Kadi bantu banyi kabakunvua dî dianyi; Bena Isalele kabakasua kungitabusha, nansha kakese.

Nsumuinu 1:30

Kabakasua kuitabusha lungenyi lunakabalesha, bakahetula kubela kuanyi kuonso.

Nsumuinu 12:1

Udi unanga diyisha didi dimuludikila nshila udi unanga lungenyi, kadi udi ukina kubedibua kuandi udi mujibale.

Nsumuinu 15:10

Nebakengeshe muntu udi uhambuka mu nshila bikole; udi ukina mibelu neafue biandi.

Nsumuinu 5:12

ne udi wamba ne, Mona munakukina dikengesha diakadi dinyisha ne muakadi mutshima wanyi uhetula mei a kumbela nʼau!

Nsumuinu 8:14

Ndi mua kulesha bantu lungenyi, ndi meji a kukuatshisha nʼau bantu; ndi dijingulula dia mianda, ndi ne bukole.

Yirmeya 35:17

nunku Yehowa, Nzambi wa misumba, Nzambi wa Isalele, udi wamba ne, Monai, nentumine Bena Yuda ne bantu bonso ba mu Yelushalema makenga onso anakubambila; bualu bua nakubambila dî, ne kabena bunvua, nakubabikila, ne kabena bitabe.

Luke 7:30

Kadi Bafalese ne bamanyi ba mikenshi bakahidia lungenyi lua Nzambi, bakadi kabai babatijibue kudiye.

Dielulula 1:45

Nuenu nuakahingana, nuakadila ku mpala kua Yehowa; kadi Yehowa kakunvua dî dienu, kakateleja matshu andi kunudi.

1 Samuele 8:18

Mu dituku adi nenudie bua mukelenge unuakadisunguila, kadi Yehowa kena ununvuila mu dituku adi nansha.