San Mateo 8:29 - Alacatlatzala Mixtec New Testament

²⁹ Ta o̱vi̱ ta̱yóꞌo xi̱ni na va̱xi ta̱Jesús, ta ki̱xáꞌá ñandiva̱ꞌa ña kómí na xíꞌin ndiꞌi ndee̱ ña ni̱ka̱ꞌa̱n ña, ta káchí ña saá: ―¿Yukía̱ kóni ún keꞌé ún xíꞌin ndi̱ vitin?, chi yóꞌó ta̱Jesús kúu Sa̱ꞌya Ndios. ¿Án ki̱xaa̱ ún vitin saxo̱ꞌvi̱ ún ndi̱ꞌi̱?, saá chi ta̱ꞌán kixaa̱ ki̱vi̱ ña kasa nani Ndios xa̱ꞌa̱ kua̱chi ―káchí ña xíꞌin ta̱Jesús.

San Mateo 8:29 הפניות הצלבה

San Marcos 1:24

―Yóꞌó kúu Jesús ta̱ñoo Nazaret, ta, ¿nda̱chun sándiꞌi ún ndi̱ꞌi̱? ¿Án xa ki̱xaa̱ ún sandiꞌi ún xa̱ꞌa̱ ndi̱? Xíni̱ va̱ꞌa i̱ yu kúu ún, yóꞌó kúu Ta̱a ta̱Yi̱i̱ ta̱ ki̱xi no̱o̱ Ndios ―káchí ña xíꞌin ra.

San Lucas 4:34

―Yóꞌó kúu ta̱Jesús ta̱ñoo Nazaret, ta, ¿nda̱chun sándiꞌi ún ndi̱ꞌi̱? ¿Án xa ki̱xaa̱ ún sandiꞌi ún xa̱ꞌa̱ ndi̱ vitin? Xíni̱ va̱ꞌa i̱ yu kúu ún, yóꞌó kúu Ta̱a ta̱Yi̱i̱ ta̱ ki̱xi no̱o̱ Ndios ―káchí ña xíꞌin ta̱Jesús.

Santiago 2:19

Tá yóo inka̱ ndó káꞌa̱n, káchí ndó: “Kándixa i̱ yóo ñii la̱á Ndios.” Ta ndóꞌó káꞌa̱n saá, vará va̱ꞌa kándixa ndó, ta xíni̱ ñóꞌó kunda̱a̱ ini ndó ndí ñii ki̱ꞌva saá ndiꞌi ñaníma̱ ndiva̱ꞌa kándixa ña yóo ñii la̱á Ndios, ta̱nda̱ kísin ña chi yíꞌví ña xa̱ꞌa̱ ñayóꞌo.

San Marcos 5:7

Ta ki̱xáꞌá ñaníma̱ ndiva̱ꞌa ña kómí ra xíꞌin ndiꞌi ndee̱ ña ni̱ka̱ꞌa̱n ña, ta káchí ña saá: ―¿Yukía̱ kóni ún keꞌé ún xíꞌin i̱? Chi yóꞌó ta̱Jesús kúu Sa̱ꞌya Ndios ta̱Káꞌno. Ta̱nda̱ no̱o̱ Ndios káꞌa̱n i̱ xíꞌin ún, o̱n saxo̱ꞌvi̱ ún yi̱ꞌi̱ ―káchí ña xíꞌin ta̱Jesús.

San Lucas 8:28

Tá xi̱ni ra ta̱Jesús, ta ni̱xaa̱ ra xi̱kuxítí ra no̱o̱ ta̱Jesús, ta xíꞌin ndiꞌi ndee̱ ra ni̱ka̱ꞌa̱n ra: ―¿Yukía̱ kóni ún keꞌé ún xíꞌin i̱? Chi yóꞌó ta̱Jesús kúu Sa̱ꞌya Ndios ta̱Káꞌno. Ta xáku ndáꞌví i̱ no̱o̱ ún ndí o̱n saxo̱ꞌvi̱ ún yi̱ꞌi̱ ―káchí ra xíꞌin ta̱Jesús.

2 Pedro 2:4

Chi Ndios o̱n vása ní‑kisa káꞌno ini ra xa̱ꞌa̱ naángel na ni̱ki̱ꞌvi kua̱chi xi̱na̱ꞌá, ta sa̱kana ra na kua̱ꞌa̱n na nda̱ya, ta nóꞌni na ñóꞌo na no̱o̱ naa, ña ndáti na a̱nda̱ kixaa̱ ki̱vi̱ ña kasa nani ra xa̱ꞌa̱ ndiꞌi kua̱chi.

San Mateo 4:3

Ta ki̱xaa̱ ñandiva̱ꞌa káꞌno no̱o̱ ta̱Jesús ña koto ndoso ña ra, ta ni̱ka̱ꞌa̱n ña xíꞌin ra to̱ꞌon yóꞌo, káchí ña saá: ―Tá ndixa Sa̱ꞌya Ndios kúu ún, ta va̱ꞌa kaꞌnda chiño ún no̱o̱ yu̱u̱ ña ndóo yóꞌo ná nduu ña si̱ta̱ va̱ꞌa ―káchí ña xíꞌin ra.

San Juan 2:4

Ta nda̱kuii̱n ta̱Jesús, káchí ra saá xíꞌin siꞌí ra: ―¿Nda̱chun ndáto̱ꞌon ún tondíni yóꞌo xíꞌin i̱, nana?, chi o̱n ta̱ꞌán to̱nda̱a hora ña chi̱tóni̱ Ndios ña kasa ndivi i̱ chiño náꞌno ―káchí ta̱Jesús xíꞌin siꞌí ra.

San Lucas 4:41

Ta ta̱va ra kua̱ꞌa̱ ní níma̱ ndiva̱ꞌa xi̱komí sava na. Tá ke̱e níma̱ ndiva̱ꞌa ni̱vi, ta xíꞌin to̱ꞌon ndason ni̱ka̱ꞌa̱n ña xíꞌin ta̱Jesús, káchí ña saá: ―Yóꞌó kúu Sa̱ꞌya Ndios ―káchí ña. Ta ta̱Jesús o̱n vása ní‑taxi ra ka̱ꞌa̱n ka̱ ñaníma̱ ndiva̱ꞌa, chi xíni̱ ña Cristo kúu ra.

Judas 1:6

Ta yóo inka̱ ña sánakáꞌán i̱ ndóꞌó ña kúu ña káꞌa̱n xa̱ꞌa̱ naángel, na ni̱‑xiin kasa ndivi chiño ña xa̱ꞌnda chiño Ndios no̱o̱ na, ta ni̱‑xiin na kutaku̱ ka̱ na no̱o̱ ni̱ka̱ꞌa̱n Ndios xíꞌin na kutaku̱ na, saá chi ndu̱kú na kasa ndivi na inka̱ chiño ña kóni mi̱i na. Ta xa̱ꞌa̱ ña o̱n váꞌa yóꞌo, Ndios ta̱xi ra ña nóꞌni na ñóꞌo na ñii xiiña no̱o̱ naa, ña ndáti na a̱nda̱ kixaa̱ ki̱vi̱ ña kasa nani ra xa̱ꞌa̱ ndiꞌi ña ku̱va̱ꞌa.

Hechos 16:17

Ta ñáloꞌo yóꞌo ki̱xáꞌá ñá ndíko̱n ñá sa̱ta̱ ta̱Pablo xíꞌin ndi̱ꞌi̱, na kúu na nátaꞌan xíꞌin ra, ta tuku tuku ndáꞌyi ñá káꞌa̱n ñá, káchí ñá saá: ―Nata̱a yóꞌo kúu na xíka chiño no̱o̱ Ndios, ta̱a ta̱ kúu ta̱Káꞌno ka̱ no̱o̱ ndiꞌi ña yóo. Nata̱a yóꞌo ndáto̱ꞌon na xíꞌin ndó yu kúu yichi̱ va̱ꞌa xíni̱ ñóꞌó kundiko̱n ndó ña saka̱ku Ndios ndóꞌó ―káchí ñá, ndáꞌyi ñá.

San Marcos 3:11

Ta ni̱vi na kómí níma̱ ndiva̱ꞌa xi̱ni na ra, ta xi̱kuxítí na nda̱ no̱o̱ ñoꞌo̱ no̱o̱ ra, ta xíꞌin ndiꞌi ndee̱ na ni̱ka̱ꞌa̱n na, káchí na saá: ―¡Yóꞌó kúu ún Sa̱ꞌya Ndios!

San Mateo 8:30

Ta yatin yóꞌo xíka kua̱ꞌa̱ ní tíkini̱ xíxaꞌan rí.