San Mateo 27:24 - Alacatlatzala Mixtec New Testament

²⁴ Ta ku̱nda̱a̱ ini ta̱Pilato o̱n vása xi̱in ka̱ na chikaa̱ so̱ꞌo na to̱ꞌon ra, ta ki̱xáꞌá na ndeé ka̱ ni̱si̱so̱ na. Ta xa̱ꞌnda chiño ra no̱o̱ na kísa chiño xíꞌin ra taxi na takuií ndaꞌa̱ ra, ta saá nda̱ꞌá ra no̱o̱ nani̱vi, káchí ra saá: ―Yi̱ꞌi̱ o̱n vása kuiso i̱ kua̱chi xa̱ꞌa̱ ña kivi̱ ta̱va̱ꞌa yóꞌo. Mi̱i ndó kuiso kua̱chi xa̱ꞌa̱ ña kivi̱ ra ―káchí ta̱gobernador xíꞌin ni̱vi.

San Mateo 27:24 הפניות הצלבה

San Mateo 27:4

Ta ni̱ka̱ꞌa̱n ta̱Judas xíꞌin na, káchí ra saá: ―Ni̱ki̱ꞌvi i̱ kua̱chi na̱taxi i̱ ndaꞌa̱ ndó ta̱a ta̱ va̱ꞌa ta̱ o̱n ko̱ó kua̱chi kómí, ña kaꞌni ndó ra. Ta nda̱kuii̱n na, ni̱ka̱ꞌa̱n na xíꞌin ta̱Judas: ―O̱n vása ndíꞌi ini ndi̱ xa̱ꞌa̱ ña ke̱ꞌé ún. O̱n si̱ví kua̱chi mi̱i ndi̱ kía̱, kua̱chi mi̱i ún kía̱ ―káchí na xíꞌin ra.

2 Corintios 5:21

Vará Jesucristo nda̱ ñii ña o̱n váꞌa o̱n vása ní‑keꞌé ra, ta xa̱ꞌa̱ kua̱chi ndiꞌi ni̱vi, Ndios sa̱nduu ra Jesucristo ta̱a ta̱ na̱kuiso ndiꞌi kua̱chi ni̱vi ñoyívi. Ta saá xa̱ꞌa̱ ña ni̱xiꞌi̱ Jesucristo ndaꞌa̱ tón cruz xa̱ꞌa̱ kua̱chi ni̱vi, ndiꞌi mi̱i yó na kándixa ñaꞌá, ndu̱u yó ni̱vi na ndii no̱o̱ Ndios ta o̱n vása ndíso ka̱ yó kua̱chi no̱o̱ ra.

1 Pedro 3:18

Saá chi mi̱i Jesucristo ni̱xo̱ꞌvi̱ ra ta ni̱xiꞌi̱ ra ñii la̱á yichi̱ xa̱ꞌa̱ ndiꞌi kua̱chi ni̱vi. Ta̱a ta̱ va̱ꞌa kúu ra, ta̱a ta̱ o̱n ko̱ó kua̱chi kómí kúu ra, ta ni̱xo̱ꞌvi̱ ní ra xa̱ꞌa̱ ndiꞌi mi̱i yó ni̱vi na ndíso kua̱chi; ke̱ꞌé ra saá ña kuchiño kuyatin yó no̱o̱ Ndios ta kutaku̱ yó xíꞌin ra ndiꞌi saá ki̱vi̱. Tá sa̱xo̱ꞌvi̱ ní ni̱vi yi̱kí ko̱ñu Jesucristo ta xa̱ꞌni na ra, ta na̱taku̱ ra no̱o̱ ña ni̱xiꞌi̱ ra, ta ndixa táku̱ ndinoꞌo ra vitin.

San Mateo 26:5

Ta ni̱ka̱ꞌa̱n na, káchí na saá: ―O̱n kuchiño tiin yó ra ki̱vi̱ viko̱, ko̱to̱ koni ndiꞌi nani̱vi ñoo yóꞌo, ta si̱so̱ na nda̱ꞌyi na, ta kani táꞌan na, ta koo ní kua̱chi ―káchí na.

Hechos 3:14

O̱n vása ní‑xiin ndó nakiꞌin va̱ꞌa ndó ta̱Jesús, ta̱a ta̱ kúu ta̱Nda̱a̱, ta̱ kúu ta̱Yi̱i̱, ta nda̱ víka̱ ndu̱kú ndó no̱o̱ ta̱Pilato ña saña ra inka̱ ta̱a, ta̱ kúu ta̱ xáꞌni ni̱vi.

San Juan 19:4

Ta tuku ke̱ta ta̱Pilato ni̱ka̱ꞌa̱n ra xíꞌin najudío, káchí ra saá: ―Koto ndó yóꞌo, va̱xi ra xíꞌin i̱. Ta saá kuchiño kunda̱a̱ ini ndó ndí nda̱ ñii kua̱chi o̱n vása ní‑naníꞌi i̱ kómí ra ―káchí ra xíꞌin na.

San Mateo 27:54

Ta ta̱ ndíso chiño xíꞌin ñii ciento natropa, yóo ra xíꞌin inka̱ natropa ndáa na ta̱Jesús. Ta nayóꞌo xi̱ni na ni̱ta̱an no̱o̱ ñoꞌo̱, ta xi̱ni na ndiꞌi ña yi̱yo ní ni̱yaꞌa, ta ni̱yi̱ꞌví ní na, ta ni̱ka̱ꞌa̱n na: ―Ndixa ta̱yóꞌo xi̱kuu Sa̱ꞌya Ndios ―káchí na.

San Mateo 27:9

Ta ku̱ndivi ña ni̱ka̱ꞌa̱n ta̱profeta Jeremías xi̱na̱ꞌá, ka̱chí ra saá: “Na̱kiꞌin na o̱ko̱ u̱xu̱ si̱ꞌún ñaplata, ña ndáya̱ꞌví ña kivi̱ ra, ñayóꞌo kúu yaꞌvi chi̱nóo naIsrael,

San Mateo 27:19

Ta ta̱Pilato yóo ra no̱o̱ táyi̱ no̱o̱ kísa nani ra xa̱ꞌa̱ kua̱chi, ta ñásíꞌí ra ti̱ꞌví ñá ña ndato̱ꞌon ñá xíꞌin ra: “O̱n kasa nani ka̱ ún xa̱ꞌa̱ kua̱chi ta̱yóꞌo, saá chi ta̱a ta̱ o̱n ko̱ó kua̱chi kúu ra, chi ñoó ndiveꞌe kini ní ni̱xa̱ní i̱ xa̱ꞌa̱ ra, ta ndíꞌi ní ini i̱”, káchí ñá.

San Mateo 27:23

Ta saá tuku ni̱nda̱ka̱ to̱ꞌon ta̱Pilato na: ―¿Yu kúu kua̱chi ni̱ki̱ꞌvi ra? Ta ndeé ka̱ ni̱ka̱ꞌa̱n nayóꞌo, káchí na saá: ―¡Katakaa̱ ndaa ún ra ndaꞌa̱ tón cruz!

San Juan 13:9

Ta nda̱kuii̱n ta̱Pedro, ni̱ka̱ꞌa̱n ra: ―Tá saá yóo ña káꞌa̱n ún, Tata, ta va̱ꞌa ka̱ o̱n nakata ún ndasaá kuiti xa̱ꞌa̱ i̱, ta nakata ún nda̱ ndaꞌa̱ i̱ ta̱nda̱ si̱ni̱ i̱ ―káchí ta̱Pedro xíꞌin ta̱Jesús.