San Mateo 23:38 - Alacatlatzala Mixtec New Testament

³⁸ Ta vitin sandakoo Ndios veꞌe ño̱ꞌo ndó, ta kuu vi̱chí ña ta ndu̱xu̱n ña.

San Mateo 23:38 הפניות הצלבה

San Lucas 13:35

Ña̱kán vitin Ndios sandakoo ra veꞌe ño̱ꞌo ndó, ta kuu vi̱chí ña ta ndu̱xu̱n ña. Ta ndixa káꞌa̱n i̱ xíꞌin ndó, nañoo Jerusalén, o̱n koto ka̱ ndó yi̱ꞌi̱ nda̱ to̱nda̱a ki̱vi̱ ka̱ꞌa̱n ndó to̱ꞌon yóꞌo: “Ná keꞌé Ndios ñava̱ꞌa xíꞌin ta̱yóꞌo, ta̱a ta̱ ki̱xaa̱ xíꞌin nda̱yí Ndios”, kachí ndó xa̱ꞌa̱ i̱ ―káchí ta̱Jesús xíꞌin na.

San Lucas 21:24

Natropa kaꞌni na sava ni̱vi xíꞌin espada, ta tiin na inka̱ ni̱vi ko̱ꞌo̱n xíꞌin na kua̱ꞌa̱ ní ñoo xíká, ta kán kasa ndu̱xa̱ na xíꞌin na ña kasa chiño na. Ta ni̱vi na o̱n si̱ví najudío kúu, kuu na kaꞌnda chiño no̱o̱ nañoo Jerusalén. Saá koo ta̱nda̱ to̱nda̱a ki̱vi̱ ña chi̱tóni̱ Ndios ―káchí ta̱Jesús xíꞌin na.

San Lucas 21:20

’Tá xíto ndó xa xi̱no nduu natropa ñoo Jerusalén yóꞌo, ta saá kunda̱a̱ ini ndó xa ki̱xaa̱ ki̱vi̱ ndiꞌi xa̱ꞌa̱ ña.

San Lucas 21:6

―Ñii ki̱vi̱ ña va̱xi ndiꞌi ñalivi ña xíto ndó veꞌe ño̱ꞌo yóꞌo, ndiꞌi xa̱ꞌa̱ ña, ta nda̱ ñii ka̱ yu̱u̱, o̱n kóo ka̱ sa̱ta̱ inka̱ yu̱u̱. Saá chi tani veꞌe ño̱ꞌo ta ndiꞌi xa̱ꞌa̱ ndiꞌi ña ―káchí ta̱Jesús.

San Marcos 13:14

Ta ndóꞌó na káꞌvi to̱ꞌon yóꞌo, xíni̱ ñóꞌó kunda̱a̱ ini ndó to̱ꞌon yóꞌo ña ni̱ka̱ꞌa̱n ta̱Jesús xíꞌin naxíka xíꞌin ra, káchí ra saá: ―Kui̱ya̱ xi̱na̱ꞌá ta̱profeta Daniel ni̱ka̱ꞌa̱n ra xa̱ꞌa̱ ña o̱n váꞌa ñakini ña sandiꞌi xa̱ꞌa̱ ñayi̱i̱. Ta kixaa̱ ki̱vi̱ koto ndó yóo ña o̱n váꞌa ñakini yóꞌo veꞌe ño̱ꞌo káꞌno, ta ndiꞌi na ndóo estado Judea yóꞌo, xíni̱ ñóꞌó kee na ta kono na ko̱ꞌo̱n na no̱o̱ yóo yuku̱ síkón.

San Mateo 24:2

Ta ni̱ka̱ꞌa̱n ta̱Jesús xíꞌin na: ―¿Án xíto ndó ndiꞌi ñayóꞌo? Ta ndixa káꞌa̱n i̱ xíꞌin ndó, nda̱ ñii ka̱ yu̱u̱ o̱n kóo ka̱ sa̱ta̱ inka̱ yu̱u̱. Saá chi ñii ki̱vi̱ ña va̱xi tani veꞌe ño̱ꞌo yóꞌo ta ndiꞌi xa̱ꞌa̱ ña ―káchí ta̱Jesús.