San Mateo 22:5 - Alacatlatzala Mixtec New Testament

⁵ Ta ni̱vi na ka̱na ra yóꞌo ni̱‑xiin na ko̱ꞌo̱n na viko̱, ta sava na ke̱e kua̱ꞌa̱n no̱o̱ chi̱ꞌi na, ta inka̱ na kua̱ꞌa̱n no̱o̱ kísa chiño na.

San Mateo 22:5 הפניות הצלבה

Hebreos 2:3

Tá ni̱vi yóꞌo ni̱ndoꞌo na saá kui̱ya̱ xi̱na̱ꞌá, ta saá vitin tá mi̱i yó sandakoo yó kándixa yó ndí Ndios saka̱ku ra yó, ta saá nda̱ loꞌo o̱n kuchiño ka̱ku yó no̱o̱ ña xo̱ꞌvi̱ yó. Saá chi ña sáka̱ku ra mi̱i yó kúu ña káꞌno ní ndáya̱ꞌví. Ta mi̱i Ta̱a ta̱Káꞌno no̱o̱ yó kúu ta̱no̱ó nda̱to̱ꞌon to̱ꞌon va̱ꞌa yóꞌo xíꞌin ni̱vi. Ta ni̱vi na xi̱ni̱ so̱ꞌo to̱ꞌon va̱ꞌa ña ni̱ka̱ꞌa̱n ra, nayóꞌo nda̱kuii̱n na xa̱ꞌa̱ to̱ꞌon yóꞌo ta ki̱sa nda̱a̱ na ña no̱o̱ mi̱i yó.

2 Timoteo 3:4

Ni̱vi na tiꞌva ní sandáꞌví natáꞌan mi̱i kuu na, ni̱vi na o̱n vása yíꞌví ña keꞌé na ndiꞌi ña káchí ini mi̱i na kuu na. Ni̱vi na ña̱ꞌa ní ini kuu na, ta o̱n vása nandukú na ña sakusii̱ ini Ndios, chi ndasaá kuiti nandukú na ña sakusii̱ ini mi̱i na.

Romanos 8:6

Ta saá tá ndasaá kuiti táku̱ yó xíꞌin ña xáni si̱ni̱ yó xa̱ꞌa̱ ña kasa ndivi yó ña o̱n váꞌa ña kútoo ní yi̱kí ko̱ñu yó, ta ña kéꞌé yó saá níꞌi ña yó kua̱ꞌa̱n yó yichi̱ o̱n váꞌa no̱o̱ kivi̱ yó no̱o̱ Ndios. Ta saá ni, tá ndasaá kuiti táku̱ yó kísa ndivi yó ñava̱ꞌa ña sakusii̱ yó ini Níma̱ Ndios, ta ña kéꞌé yó saá níꞌi ña yó kua̱ꞌa̱n yó yichi̱ no̱o̱ táku̱ ndinoꞌo yó no̱o̱ Ndios ta nákaa̱ ñava̱ꞌa ini yó.

Romanos 2:4

Xa kúnda̱a̱ ini ndó ndí Ndios kúu ta̱a ta̱ va̱ꞌa ini, ta̱ káꞌno ini kúu ra xíꞌin ndó. Ta xa̱ꞌa̱ ña kúu Ndios ta̱a ta̱ va̱ꞌa ní ini, ¿án xáni si̱ni̱ ndó ndí Ndios ndasaá kuiti kundeé ini ra xíꞌin ndiꞌi ña o̱n váꞌa kéꞌé ndó? ¿Án xáni si̱ni̱ ndó ndí o̱n saxo̱ꞌvi̱ ra ndóꞌó xa̱ꞌa̱ ña o̱n váꞌa yóꞌo? ¿Án o̱n vása kúnda̱a̱ ini ndó ndí Ndios kóni ra ña sandakoo ndó ña o̱n váꞌa kéꞌé ndó, ta nandikó ini ndó, ta kundiko̱n ndó ko̱ꞌo̱n ndó yichi̱ ra? Ta xa̱ꞌa̱ ña ndáti ra ña ndikó ini ndó saá, Ndios kéꞌé ra kua̱ꞌa̱ ní ñava̱ꞌa xíꞌin ndó vitin.

Hechos 24:25

Ta ta̱Pablo, ni̱ka̱ꞌa̱n ka̱ ra nándaxin ra to̱ꞌon, káchí ra saá xíꞌin na: ―Ni̱vi na kándixa Jesucristo xíni̱ ñóꞌó kutaku̱ na xíꞌin ñanda̱a̱, ta xíni̱ ñóꞌó nasita xíꞌin mi̱i na no̱o̱ ña o̱n váꞌa. Saá chi va̱xi ki̱vi̱ Ndios kasa nani ra xa̱ꞌa̱ kua̱chi ndiꞌi ni̱vi ―káchí ta̱Pablo xíꞌin na. Tá xi̱ni̱ so̱ꞌo ta̱Félix to̱ꞌon yóꞌo, ta ni̱yi̱ꞌví ní ra, ta ni̱ka̱ꞌa̱n ra xíꞌin ta̱Pablo, káchí ra saá: ―Xa va̱ꞌa vitin, o̱n ndato̱ꞌon ka̱ ún xíꞌin i̱. Ta saá ñii ki̱vi̱ táná no̱na̱ loꞌo no̱o̱ i̱, ta saá kana i̱ yóꞌó kixaa̱ ún no̱o̱ i̱ ña ndato̱ꞌon ka̱ ún xíꞌin i̱ ―káchí ra xíꞌin ta̱Pablo.

Hechos 2:13

Ta saá ni, sava ni̱vi yóꞌo xáku̱ ndaa na, xíto na ni̱vi na káꞌa̱n kua̱ꞌa̱ ní no̱o̱ to̱ꞌon, ta tuku káꞌa̱n na, káchí na saá: ―Nayóꞌo va xi̱ꞌi ní na, ña̱kán xíini ní na vitin ―káchí na.

San Mateo 13:22

Ta ndiki̱n ña ni̱ko̱yo no̱o̱ tón ñiño̱ ndáto̱ꞌon ña xa̱ꞌa̱ ni̱vi na xíni̱ so̱ꞌo to̱ꞌon Ndios. Ta saá chiño yóo ñoyívi yóꞌo sándiꞌi ní ini na, ta kíxáꞌá na kísa chiño na ña kukomí na kua̱ꞌa̱ ní ñakuíká ñoyívi yóꞌo, ta saá o̱n xi̱in ka̱ na kutaku̱ na nda̱tán káꞌa̱n to̱ꞌon Ndios.

San Mateo 22:4

Ta saá tuku ti̱ꞌví ra inka̱ namozo ra, káchí ra saá: “Ko̱ꞌo̱n ndó ka̱ꞌa̱n ndó siꞌa xíꞌin ni̱vi na ka̱na i̱: Xa yóo ndivi ndiꞌi ña kuxu ndó. Xa ni̱xiꞌi̱ si̱ndi̱ki̱ xíꞌin inka̱ kiti̱ tí nduꞌu̱ sa̱na̱ ta̱rey kuxu ndó; xa yóo tiꞌva ndiꞌi ña̱ꞌa. Kama ndó kixi ndó viko̱ tonda̱ꞌa̱, kachí ndó xíꞌin na”, káchí ta̱rey xíꞌin namozo.

San Mateo 22:6

Ta inka̱ na ti̱in na namozo ta̱rey, ta sa̱xo̱ꞌvi̱ ñaꞌá na, ta xa̱ꞌni ñaꞌá na.

San Juan 2:16

Ta xa̱ꞌnda chiño ra no̱o̱ ni̱vi na síkó tísa̱ta, káchí ra saá xíꞌin na: ―¡Tiin ndó tava ndó tísa̱ta yóꞌo! O̱n váꞌa sanduu ndó veꞌe Yivá i̱ ñii no̱yáꞌvi ―káchí ra xíꞌin na síkó tísa̱ta.

2 Pedro 2:3

Nata̱a na sánáꞌa ña o̱n váꞌa ndasaá kuiti kúsii̱ ní ini na ña nakiꞌin na kua̱ꞌa̱ ní si̱ꞌún ndó xa̱ꞌa̱ ña sánáꞌa na ndóꞌó ña káchí na kúu to̱ꞌon Ndios, ta kúu ña to̱ꞌon ña na̱sama mi̱i na. Xa xi̱na̱ꞌá ní Ndios chi̱tóni̱ ra kasa nani ra xa̱ꞌa̱ ña o̱n váꞌa kéꞌé nayóꞌo, ta ndixa saá kundoꞌo na ki̱vi̱ ña va̱xi.