San Marcos 9:5 - Alacatlatzala Mixtec New Testament

⁵ Ta ni̱ka̱ꞌa̱n ta̱Pedro xíꞌin ta̱Jesús: ―Tata Maestro, va̱ꞌa ní ndóo yó yóꞌo. Va̱ꞌa ná kasa va̱ꞌa ndi̱ u̱ni̱ tia̱ꞌva, ñii ña koo mi̱i ún, ñii ña koo ta̱Moisés, ta inka̱ ña koo ta̱Elías ―káchí ta̱Pedro xíꞌin ra.

San Marcos 9:5 הפניות הצלבה

Filipenses 1:23

¿Án kusii̱ ka̱ ini i̱ kivi̱ i̱? ¿Án kusii̱ ka̱ ini i̱ kutaku̱ ka̱ i̱ ñoyívi yóꞌo? Yo̱ꞌvi̱ ní naka̱xin i̱ yukú ñava̱ꞌa kóni i̱. Saá chi kúsii̱ ní ini i̱ sandakoo i̱ ñoyívi yóꞌo, ta ko̱ꞌo̱n i̱ kutaku̱ i̱ xíꞌin Jesucristo, chi ña va̱ꞌa ka̱ no̱o̱ i̱ kúu ña kutaku̱ i̱ xíꞌin ra ñoyívi ni̱no.

San Mateo 23:7

Ta xíka na no̱yáꞌvi, ta kóni na ña kasa to̱ꞌó ní ni̱vi na, kóni na ña ka̱ꞌa̱n ni̱vi xíꞌin na, kachí na saá: “Rabí, Rabí.”

1 Juan 3:2

Nañani yó xíꞌin náki̱ꞌva̱ yó, ni̱vi na kíꞌvi ní ini i̱ xíni i̱ kúu ndó, ta ndáto̱ꞌon i̱ xíꞌin ndó ndí mi̱i yó kúu sa̱ꞌya Ndios vitin. Ta saá ni, o̱n ta̱ꞌán kunda̱a̱ va̱ꞌa ini yó ndasaá nduu yó ki̱vi̱ ña va̱xi ña kutaku̱ yó ñoyívi ni̱no xíꞌin Ndios. Ta vitin kúnda̱a̱ ini yó ndí ki̱vi̱ ndikó Jesucristo ñoyívi yóꞌo, ta mi̱i yó, ni̱vi na kándixa ñaꞌá, nduu yó nda̱tán yóo ra. Saá chi xíꞌin nduchu̱ no̱o̱ yó koni yó ra. Nda̱tán mi̱i káa ra, saá ndixa koni ndinoꞌo yó ra.

San Mateo 17:4

Ta ni̱ka̱ꞌa̱n ta̱Pedro xíꞌin ta̱Jesús: ―Tata, va̱ꞌa ní ndóo yó yóꞌo. Tá kóni ún, ta kasa va̱ꞌa ndi̱ u̱ni̱ tia̱ꞌva, ñii ña koo mi̱i ún, ñii ña koo ta̱Moisés, ta inka̱ ña koo ta̱Elías ―káchí ta̱Pedro xíꞌin ra.

San Mateo 23:8

’Ta ndóꞌó, o̱n vása va̱ꞌa keꞌé ndó ña ndáti ndó ñii ki̱ꞌva saá ka̱ꞌa̱n ni̱vi xíꞌin ndó, kachí na: “Rabí”, chi ñii la̱á kúu ta̱a ta̱Maestro no̱o̱ ndó, ta ndiꞌi ndóꞌó kúu ndó ñani ndó xíꞌin táꞌan ndó.

San Marcos 9:4

Ta saá ni̱ti̱vi ta̱Moisés xíꞌin ta̱Elías, ndáto̱ꞌon na xíꞌin ta̱Jesús.

San Marcos 9:6

Ni̱ka̱ꞌa̱n ta̱Pedro saá chi o̱n vása kúnda̱a̱ ini ra yukía̱ ka̱ꞌa̱n ra, chi na yíꞌví ní kúu u̱ni̱ na saá.

San Lucas 9:33

Tá xa yatin ko̱ꞌo̱n na o̱vi̱ yóꞌo, ta ni̱ka̱ꞌa̱n ta̱Pedro xíꞌin ta̱Jesús: ―Tata Maestro, va̱ꞌa ní ndóo yó yóꞌo. Tá kóni ún, ta kasa va̱ꞌa ndi̱ u̱ni̱ tia̱ꞌva, ñii ña koo mi̱i ún, ñii ña koo ta̱Moisés, ta inka̱ ña koo ta̱Elías. Ni̱ka̱ꞌa̱n ta̱Pedro saá chi o̱n vása kúnda̱a̱ ini ra yukía̱ káꞌa̱n ra.

San Juan 4:31

Ta o̱n ta̱ꞌán ka̱ kixaa̱ ñáñaꞌa̱ yóꞌo xíꞌin ni̱vi no̱o̱ yóo ta̱Jesús, ta naxíka xíꞌin ta̱Jesús xa̱ku ndáꞌví na no̱o̱ ra, káchí na xíꞌin ra saá: ―Tata Rabí, naꞌa kuxu ún ―káchí na.