San Marcos 4:41 - Alacatlatzala Mixtec New Testament

⁴¹ Saá ni, ni̱yi̱ꞌví ka̱ na, ta ni̱nda̱ka̱ to̱ꞌon táꞌan na: ―¿Yu kúu ta̱yóꞌo? ¡Chi nda̱ ta̱chi̱ naꞌá xíꞌin takuií mi̱ni xíni̱ so̱ꞌo to̱ꞌon káꞌa̱n ra! ―káchí na.

San Marcos 4:41 הפניות הצלבה

San Lucas 8:25

Ta ni̱ka̱ꞌa̱n ra xíꞌin naxíka xíꞌin ra: ―¿Nda̱chun o̱n vása kándixa ndó Ndios ndáa ra yó? ―káchí ra. Ta nayóꞌo yíꞌví ní na, ta na̱kaꞌnda ní ini na ndóo na, ta ni̱nda̱ka̱ to̱ꞌon táꞌan na: ―¿Yu kúu ta̱yóꞌo? Chi xáꞌnda chiño ra no̱o̱ ta̱chi̱ naꞌá xíꞌin takuií mi̱ni, ta xíni̱ so̱ꞌo ña to̱ꞌon káꞌa̱n ra ―káchí na.

San Mateo 8:27

Ta na̱kaꞌnda ní ini na, ta ni̱nda̱ka̱ to̱ꞌon táꞌan na: ―¿Yu kúu ta̱yóꞌo? ¡Chi nda̱ ta̱chi̱ naꞌá xíꞌin takuií mi̱ni xíni̱ so̱ꞌo to̱ꞌon káꞌa̱n ra! ―káchí na.

Apocalipsis 15:4

Ndiꞌi ni̱vi xíni̱ ñóꞌó kasa to̱ꞌó na yóꞌó, Tata Yivá yó Ndios, ta xíni̱ ñóꞌó kasa káꞌno na yóꞌó, chi ñii la̱á yóꞌó kuiti kúu ta̱a ta̱yi̱i̱ ndinoꞌo. Ndiꞌi ni̱vi na ki̱xi ndiꞌi saá ñoo kixaa̱ na no̱o̱ ún, ta kasa káꞌno na yóꞌó, chi kunda̱a̱ ini na ndí yóꞌó kúu ta̱nda̱a̱, ta xíꞌin ña ndixa nda̱a̱ kísa nani ún xa̱ꞌa̱ kua̱chi, saá xíta na ñoyívi ni̱no, xi̱ni̱ so̱ꞌo i̱.

San Marcos 5:33

Ta ñáñaꞌa̱ yóꞌo, ta yíꞌví ñá nda̱ kísin ñá, chi ku̱nda̱a̱ ini ñá yukía̱ ku̱va̱ꞌa xíꞌin ñá, ta ki̱xaa̱ ñá xi̱kuxítí ñá no̱o̱ ta̱Jesús, ta nda̱to̱ꞌon ñá ndiꞌi ñanda̱a̱ xíꞌin ra.

Hebreos 12:28

Ta yichi̱ no̱o̱ xáꞌnda chiño Ndios kutaku̱ yó xíꞌin ra, nda̱ loꞌo o̱n sakanda ra ñayóꞌo. Ta xa̱ꞌa̱ ñayóꞌo xíni̱ ñóꞌó ka̱ꞌa̱n yó: “Táxaꞌvi ún, Tata Yivá yó Ndios”, ta va̱ꞌa ná kasa káꞌno yó ra xíꞌin ña ndinoꞌo ini yó xa̱ꞌa̱ ña sakusii̱ yó ini ra, ta chinóo síkón yó ñato̱ꞌó ra.

San Lucas 4:36

Ta ndiꞌi ni̱vi na ndóo, na̱kaꞌnda ini na xi̱ni na ñayóꞌo, ta ni̱nda̱ka̱ to̱ꞌon xíꞌin táꞌan mi̱i na: ―¿Yukía̱ yóꞌo? ¡Saá chi kómí ra ndee̱ xíꞌin nda̱yí, ta xáꞌnda chiño ra no̱o̱ níma̱ ndiva̱ꞌa, ta kísa ndivi ña ña káꞌa̱n ra! ―káchí na.

San Mateo 14:32

Ta saá nda̱a na tón barco, ta ni̱ya̱a̱ ta̱chi̱.

San Marcos 7:37

Ta na̱kaꞌnda ní ini na ndóo na, káchí na saá: ―Ta̱yóꞌo kéꞌé ra ndiꞌi ñava̱ꞌa. Sándaꞌa ra nasóꞌó ta va̱ꞌa xíni̱ so̱ꞌo na, ta nañíꞌí va̱ꞌa káꞌa̱n na ―káchí na.

San Marcos 4:40

Ta ni̱ka̱ꞌa̱n ta̱Jesús xíꞌin naxíka xíꞌin ra: ―¿Nda̱chun yíꞌví ní ndó? ¿Nda̱chun o̱n vása kándixa ndó Ndios ndáa ra ndóꞌó?

San Marcos 5:1

Ta saá ni̱xaa̱ ta̱Jesús xíꞌin u̱xu̱ o̱vi̱ naxíka xíꞌin ra inka̱ táꞌví yuꞌu̱ mi̱ni no̱o̱ ndóo nañoo Gadara.